Popular Bible Verses from Efeho 6

Share

Auā ko kitātou e hē tau ma tagata, kae ko kitātou e fakahaga tau ki nā pūlega kino faka-te-agaga i te lagi, ki nā tupu, nā taupulega, ma nā mālohiaga i luga i te vāteatea.

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Kokofu i nā kofutau kātoatoa uma e fōki atu e te Atua, kae ke koutou mafaia ai oi teteke atu ki nā togafiti kino a te Tiāpolo.

Ko te mea ia, kokofu loa i te kofutau kātoatoa o te Atua! Kāfai la e pa mai te aho kino, e koutou mafaia oi teteke atu ki nā ohofakiga a te fili; ma kāfai e uma te taua, ka hē māluelue lele autou tutū.

Ke kavea te koutou fakatuatua ke vē he talipupuni i taimi uma; auā ko te talipupuni tēnei e mafai ai e koutou oi titina nā āū mumū uma e tafana e Tē e Kino. Ma ke kavea te fakaolataga ke vē he pūloutau, ma te kupu a te Atua ke vē ko te pelu e tuku atu kia te koutou e te Agaga.

Tutū la ma hāuniuni! Ke kavea te kupu moni ke vē he fuhipaku e fuhi ai outou taugātiti, ma te āmiotonu ke vē he talipupuni fatafata mo koutou, ma ke kavea ma hēvae o koutou te koutou naunau ke tālaki te Tala Lelei o te fīlēmū.

Ko te toe mea e lea atu ai au, koutou ke fakamākekeke i te māfutaga a koutou ma te Aliki, e ala i tona mana hilihili kehe.

“Āva ki tō tamana ma tō mātua” ko te fakatonuga muamua ia kua iei te folafolaga e fakaopōpo ki ei: “kae ke hōloga lelei ai ia mea uma mo koe, ma fakaloaloa ai tō ola i te lalolagi.”

Koutou te fānau, ko he tiute faka-Kelihiano e o koutou te uhitaki ki outou mātua, auā ko te mea tonu tēnā e tatau ke koutou faia.