Aŋwaʼnɨ a Ŋwi soŋ ngə́, “Ka ŋwɔn tsɛrə a tsi ayi ɨwu wa a nɨŋnɨ ntəm ɨyi a nye Ŋwi, bɨ nɨŋ adɨrətú wə ɨnye.” Məzen a kɔmtɨ a ŋwɔn tsum mbɨ́ʼ ngə́ ka líʼ a tsi ayi a tɨtərɨ bə Yuda abɔʼnɨ ba a se bə Yuda be ə; Ŋwi a nɨ tsɛʼ táʼ Maʼmbyí a mbó ŋwɔn tsum ə. Wɛrə a fɔ́gə́ a ŋwɔn tsum wa a yenɨ a mbó zɨə. A be adzaŋ məwen tsɛʼ adzaŋ za aŋwaʼnɨ a Ŋwi soŋnɨ ngə́, “Ŋwɔn tsum wa a bitɨnɨ akwatɨ a mbó Maʼmbyí, wɛrə a mɨ loŋ ayi ɛ.”