Popular Bible Verses from Romanos 7

Share

Je̱'e̱ Dios je'eyu̶ tu'kpajk je̱'e̱ mu̶dyiibu̶ u̶u̶ch je̱'e̱ nni'kx xyaj'awa'adzpu̶dzu̶u̶mu̶bu̶ñ, nyejkypyu̶ch je̱'e̱ Dioskujuuyu̶p ma je̱'e̱ Diosu̶ñ mu̶u̶d je̱'e̱ nWindzú̶n Jesucristo kyu̶xpu̶ ajtu̶m ajku̶xy. Ma je̱'e̱ mu̶dya'agy yam kyu̶xy myayu̶ñ: U̶u̶ch mu̶naamb ko ngapxymyu̶dówu̶byu̶ch je̱'e̱ Dios y'ane̱'e̱mu̶ñ, peru̶ je̱' ko naaxwiiñjya'ayu̶ch nan nguydyúnu̶byu̶ch je̱'e̱ poky y'ane̱'e̱mu̶ñ.

Je̱' ko u̶u̶ch nejwu̶u̶ybyu̶ch ko ka'p je̱'e̱ oybyu̶ yajpaady ma u̶u̶chu̶ñ, je̱' ko naaxwiiñjya'ayu̶ch paady u̶u̶ch nbokyjya'ayu̶ch; oy u̶u̶ch du'un nja'amu̶na'añ ko u̶u̶ch je̱'e̱ oybyu̶ nduna'añ; peru̶ ka'p u̶u̶ch nay'aju̶wu̶'u̶yii ndúnu̶chu̶ch.

Ka'p u̶u̶ch je̱'e̱ oybyu̶ nduñ je̱'e̱ mu̶dyiibu̶ u̶u̶ch nja'atzojkypyu̶ñ ndúnu̶chu̶ch, je̱'e̱ ju̶bu̶kpu̶ u̶u̶ch ni'igyu̶ nduumby je̱'e̱ mu̶dyiibu̶ u̶u̶ch ka'p nja'atzókyu̶ñ ndúnu̶chu̶ch.

Y pu̶nu̶ nduumbyu̶ch je̱' je̱'e̱ mu̶dyiibu̶ u̶u̶ch ka'p nja'atzókyu̶ñ ndúnu̶chu̶ch, ka'p je̱'e̱ y'u̶u̶chu̶ch je̱'e̱ mu̶dyiibu̶ du'un adu̶u̶tzpu̶ñ, je̱'e̱ poky je̱' je̱'e̱ mu̶dyiibu̶ du'un adu̶u̶tzp je̱'e̱ mu̶dyiibu̶ yajpaatp ma u̶u̶chu̶ñ.

Du'un u̶u̶ch njaty n'abety ko u̶u̶ch je̱'e̱ oybyu̶ nja'atuna'añ, je̱'e̱ ju̶bu̶kpu̶ u̶u̶ch nu̶kxy nduñ. Ma u̶u̶ch je̱'e̱ n'aa njoottu̶ñ nixondaakypyu̶ch je̱'e̱ Dios y'ane̱'e̱mu̶ñ

Peru̶ je̱'e̱ mu̶dyiibu̶ u̶u̶ch nduumybyu̶ñ je̱' je̱' je̱'e̱ mu̶dyiibu̶ u̶u̶ch ka'p nja'atzókyu̶ñ ndúnu̶chu̶ch, y je̱' u̶u̶ch je̱'e̱ du'un xyajnejwu̶u̶by ko je̱'e̱ Moisés y'ane̱'e̱mu̶ñ y'óyu̶ch.