Popular Bible Verses from 1SAMUELA 1

Share

Hana wa- Qam: bo: thao" ra" ASANG we" ni" jeim myhi" ngore qu" la,- nga" qug: khai: re myao byid: mung: nao ngore myid: beim: la,- ngore dato" myhid' la, wo"- nao ngore yauggai zo: byid' ngad: re ngo wa yao: re yao" kao so' gyaung: khyo alhab' geim" nao re ngo qhaug' byid: mung: yao: khonhae" re: xae mako' pye' nae" ein: ngo nao re dao:so: byid' ra" ga: dao:so: to" ra".

Daba mae Shilo mae" ASANG: yham mae yao: bam zo bin: zo: gethao re Hana to" lo" ra". Yao: wa gyai nhag' lam: gyug: qam: shan: ru we' ASANG re akyu" mho' zo" re alokho: sho' ngug: ra". Ai: au: khinjaung Eli wa yao" jo, qo kham: dung: nhae mae" yao" zaung tao" mae zaung: jo; ra".

Mangad:- lau:de, pho" we"- ngo yhid mayid- ngo khonhae" re: yhid mashaug' qu" ngo wa nhag' lam: thao" na:- ngo wa ngoyao" qug: khai: jham re ASANG re ta" kyo: yang: akyu" mho' na: ru ngad:

Ngo wa yao: re ce: zoshao mho' mung: yao: wa ngo mho' rure byid' ava".

Eli wa- ngaui pyo: yaug yo za: lo" wa,- Israel nho: Mao"So wa nao akyu" mho' ra" ja: re byid: vashao: wo"- ga: ta" ra".