Popular Bible Verses from १ कोरिन्थी 15

Share

तबेकमारे हे मोरिक प्रिय विश्वासी भैयो, अपन विश्वासमे पक्का रहो, और गलत शिक्षासे ना भट्कोहो। प्रभुक लग तुहुरे ज्या काम करथो, उ काम आकुर मजासे करो। काकरेकी तुहुरे यी जन्थो, कि प्रभुक लग तुहुरिन्के कर्लक मेहनत बेकारमे नै जाई।

पर परमेश्वरहे धन्यवाद होए, हमार प्रभु येशू ख्रीष्ट हमार लग ज्या करलाँ, ओकर कारण परमेश्वर हम्रिहिन्हे पाप और मृत्युसे जितैले बताँ।

जोन मनै असिन मेरिक बात करथाँ, ओइन्के कारण तुहुरे मूर्ख ना बनो। जसिके मनै कथाँ, “खराब संगतसे मजा चरित्रहे बिगारत।

पर मै परमेश्वरके अनुग्रहसे निउतरह्या बनल बतुँ। और हुँकार अनुग्रह मोरिक जीवनमे प्रभावशाली रहिन। पर मै सक्कु निउतरह्यनसे धेउर मेहनत कर्नु। तभुन फेन यी मै नै कर्नु, पर परमेश्वरके अनुग्रह मोरिक माध्यमसे काम करतिहीन।

ए मृत्यु तोरिक विजय कहाँ रहिगिल? ए मृत्यु, तोरिक खील कहाँ रहिगिल?” पापके शक्तिक कारण मृत्यु आइत, और मनै पाप करथाँ कलेसे दण्ड फेन पाईपरत। काकरेकी मनै मोशक नियम कानुनहे तुरल बताँ।

हेरो, मै तुहुरिन्हे एकथो रहस्य बताइतुँ: कि हमारमेसे सक्कु जाने नै मुबी, पर हम्रे सक्कु जाने बदलजिबी। यी एकफाले हुई, अतरा झत्ते हुई कि जसिके केऊ अपन आँखी झप्काइत। जब अन्तिम तुरही बजाजाई, ते जोन-जोन मनै मुसेकल रहिहीँ, ओइने सदाकालके जीवन जिअक लग फेनदोस्रे जिवाजिहीँ। और हम्रे जे-जे जित्ती रबी, हमार शरीर बदलजाई।

ते तुहुरिन्हे पतै बा, कि जसिके एकथो मनैया आदमके कारण यी संसारमे पाप आइल। और आब मुअलमेसे फेनदोस्रे जित्ती हुइना फेन एकथो दोसुर मनैया ख्रीष्टसे सुरु होगिल बा, जेकर कारण मुअल मनै फेनदोस्रे जित्ती हुइहीँ।

काकरेकी हमार यी शरीर जोन महा सहजिलसे मुजाइत और सरजाइत। यी एकथो असिन शरीरमे बदलजाई, जोन ना कबु मुअत, और ना कबु सरत।

परमेश्वर जबसम ख्रीष्टके दुश्मननहे हुँकार अधिनमे नै करादिहीँ, तबसम ख्रीष्ट रज्वक रुपमे शासन करहीँ। सक्कुहुनसे पाछे मृत्यु कना चिज जरसे खतम होजाई।