Popular Bible Verses from १ कोरिन्थी 14

Share

काकरेकी परमेश्वर गरबर करुइया परमेश्वर नै हुइताँ। पर शान्ति देहुइया परमेश्वर हुइताँ; यहे नियम पवित्र मनैनके हरेक मण्डलीमे पालन हुइत।

एकदोसर जहनहे प्रेम करना कोशिस करो। और तुहुरे आकुर मजा आत्मिक वरदान भेटैना इच्छा करो, विशेष करके अगमवाणी बोल्ना इच्छा करो।

पर जे परमेश्वरके सन्देशहे प्रचार करत, ऊ विश्वासीनहे बल्गर बनाइक लग, उत्साहा देहक लग और ओइन्के मनहे सन्तुष्टि देहक लग सहायता करत।

जे अन्य भाषामे बोलत, ऊ अपन विश्वासहे किल पक्का बनाइत; पर जे अगमवाणी बोलत, ऊ मण्डलीक सक्कु विश्वासीनके विश्वासहे पक्का बनाइत।

काकरेकी तुहुरे पवित्र आत्मक देना विशेष क्षमता भेटाइक लग अतरा हौसल बतो। तबेकमारे तुहुरे उ क्षमता भेटैना इच्छा करो, जिहिसे मण्डलीक विश्वासीनके विश्वास पक्का होजाइन।