Popular Bible Verses from १ कोरिन्थी 12

Share

परमेश्वर प्रत्येक मनैनहे पवित्र आत्मक हाजिर हुइलक सबुत देथाँ, ताकि हम्रे दोसुर विश्वासीनहे सहयोग करे सेकी।

अस्तेहेँके तुहुरे सक्कु जाने मिलके ख्रीष्टके शरीर हुइतो, और तुहुरे सक्कु जाने हुँकार शरीरके अङ्ग हस हुइतो।

और यदि हमार शरीरके एकथो अङ्ग दु:ख भोगत कलेसे, हमार पूरा शरीर बठाइत। और ओस्तेहेँके यदि हमार शरीरके एकथो अङ्गक मजासे रेखदेख हुइत कलेसे पूरा शरीर खुशी होजाइत।

परमेश्वरके आत्मा कौनो एकथो मनैयाहे बुद्धिसे भरल सन्देश बोल्ना क्षमता देथाँ। और वहे आत्मा कौनो दोसुर मनैयाहे ज्ञानसे भरल सन्देश बोल्ना क्षमता देथाँ। किहुहे वहे पवित्र आत्मा विश्वास करना क्षमता देथाँ; वहे पवित्र आत्मा कौनो दोसुर मनैनहे बेमार मनैनहे चोख्वैना क्षमता देथाँ। पवित्र आत्मा कौनो एकथो मनैयाहे चमत्कार करना शक्ति देथाँ। दोसुर मनैयाहे परमेश्वरके सन्देश बोल्ना वरदान देथाँ। और कौनो दोसुर जहनहे पवित्र आत्मक थेनसे अइलक और शैतानके थेनसे अइलक वरदानके बारेमे फरक छुटैना क्षमता देथाँ। कौनो एकथो मनैयाहे मेरमेरके भाषामे बात बत्वैना क्षमता देथाँ। जोन भाषक बारेमे ऊ कबु अध्ययने नै कर्ले हो। और वहे पवित्र आत्मा कौनो दोसुर जहनहे मेरमेरके बोल्लक भाषक मतलब बतैना क्षमता देथाँ। जोन भाषक बारेमे ऊ कबु अध्ययने नै कर्ले हो।

सक्कु वरदान एक्के पवित्र आत्मक काम हो। पवित्र आत्मा प्रत्येक विश्वासीनहे हुँकार चाहल हस वरदान देथाँ।

परमेश्वर असिके यहे कारणसे करलाँ ताकि शरीरमे फुट ना होए। पर शरीरके सक्कु अङ्ग एकदोसुर जहनके रेखदेख करिँत।

परमेश्वर हम्रिहिन्हे हुँकार काम करक लग कैयो मेरिक क्षमता देले बताँ। हम्रिहिन्मेसे प्रत्येक जहनहे अलग-अलग क्षमता मिलल बा। पर उ सक्कु क्षमता एक्केथो पवित्र आत्मक देहल उपहार हो। प्रभुक लग हम्रे सक्कु जाने अलग-अलग मेरके काम कर्थी, पर हम्रे सक्कु जाने एक्केथो प्रभुक सेवा कर्थी। परमेश्वरके हमार जीवनमे काम करना तरिका अलग-अलग बतिन। पर यी वहे परमेश्वर हुइँत, जे हमार सक्कुहुनके माध्यमसे काम करथाँ।

मण्डलीमे या ख्रीष्टके यी शरीरमे परमेश्वर हम्रिहिन्हे कैयो मेरिक काम देले बताँ। सक्कुहुनसे आघे, ऊ बहुत्ते मनैनहे निउतरह्यक रुपमे चुन्ले बताँ। दोसुर अगमवक्तक रुपमे, तेसर गुरुक रुपमे, और अचम्मक काम करुइयनके रुपमे, और चोख्वाइक लग, सहायता करुइयनके रुपमे, और प्रशासन करुइयनके रुपमे, और कैयो मेरिक भाषा बोलुइयनहे चुन्ले बताँ।

काकरेकी शरीर एक्केथो अङ्गसे किल नै होके बहुत्ते अङ्गसे बनल रहत।

पर शरीरके जोन अङ्ग दोसुर अङ्गसे कमजोर देख परथाँ, वहे अङ्ग धेउर जरुरी रथाँ।

यदि सैल शरीर एक्केथो आँखी किल रहत कलेसे कहाँसे सुने सेकजैना रहे? यदि सैल शरीर एक्केथो कान रहत कलेसे कहाँसे सुँघे सेकजैना रहे? पर जात्तिके परमेश्वर हमार शरीरके सक्कु अङ्गहे अपन इच्छा अनुसार शरीरके ठिक-ठिक ठाउँमे व्यवस्थित रुपसे धर्ले बताँ। यदि एक्केथो अङ्ग रही कलेसे कौनो शरीर नै रही।