Popular Bible Verses from १ कोरिन्थी 11

Share

तब् खाके सेकके येशू खोरिया उठाके असिके कलाँ, “तुहुरे सक्कु जाने यम्नेहेँसे पिओ, यी खोरिया मोरिक खुनमे रलक लावा करार हो। जब-जब तुहुरे यी पिबो, महिन्हे सम्झक लग असिके कर्ती रहहो। काकरेकी जब-जब तुहुरे यी रोटी खैबो, और यी खोरियामेसे अंगुरके रस पिबो, हुँकार नै आइतसम तुहुरे प्रभुक मृत्युक घोषणा करथो।

जोन शिक्षा मै प्रभु येशूक थेनसे भेटैनु, वहे शिक्षा मै तुहुरिन्हे देनु। अथवा जोन रात प्रभु येशू पकरवा पैलाँ। वहे रात प्रभु येशू रोटी लेलाँ। और धन्यवाद देके सेकके येशू उ रोटीहे खन्टैलाँ। और कलाँ, “यी तुहुरिन्के लग मोरिक शरीर हो। मोरिक सम्झनामे असिके करहो।”

प्रत्येक मनै अपन आघे अपन व्यवहार सही बा कि नै हो कहिके जाँचित, तब किल ऊ प्रभुक रोटी खाए, और प्रभुक खोरियामेसे अंगुरके रस पिए। काकरेकी ख्रीष्टके शरीरहे बिना आदर कर्ले केऊ रोटी खाइत, और खोरियामेसे अंगुरके रस पिअत कलेसे ऊ परमेश्वरके न्याय अपन उप्पर अप्निहीँ नानत।

तबेकमारे जे ख्रीष्टके अनादर करके प्रभुक रोटी खाइत, या प्रभुक खोरियामेसे अंगुरके रस पिअत, उ मनैया प्रभुक शरीर और खुनहे अपवित्र बनैलकमे दोषी ठहरी।

तुहुरे मोरिक अनुशरण करो, जसिके मै ख्रीष्टके अनुशरण करथुँ।