Popular Bible Verses from रोमियों 3

Share

एतकी तणी कि सभी पाप करूदा साहा होर परमेश्वरा री महिमा का रहित रहीदे साहा। पर तिऊरे अनुग्रहा का तिऊरा छुटकारा जोह मसीह यीशु में साहा, सेंत-मेंत धर्मी ठहराई दे साहा।

एतका मतलब परमेश्वरा री सह धार्मिकता जोह यीशु मसीहा पेन्दे बुशाह करने आले वै साहा। किबेकि किछे भेद नांई

सह परमेश्वरे तेऊरे लोहू री बजहा का एक एड़ा प्रायशिचत ठहराऊ, जोह बुशाहा करने का कामा में सफल हुंदा। कि जोह पाप पहिले का करी दे होर जासू पेन्दे परमेश्वरे आपणी सहनशीलता री बजा का ध्यान नांई दिना; तेत्के बारे में सह आपणी धार्मिकता प्रकट करा। पर तेऊ वक्ते परमेश्वरा री धार्मिकता प्रकट होई कि जासू का सह आपे ही धर्मी ठहराहे, होर जोह यीशु पेन्‍दे बुशाह करे सह भी धर्मी हुणअ।

किबेकि व्यवस्था रे कामा में कोहे प्राणी तेऊ जैहं धर्मी नांई ठहरणा, किबेकि व्यवस्था रे साबे पापा री पछैण हुंदा।

जेहड़ा लिखुदा साहा, कोहे धर्मी नांई, एक भी नांई। कोहे समझकार नांई; कोहे परमेश्वरा लोड़न आले नांई। सबे भटकी दे साहा, सभे नकाम्मे बणीदे साहा; कोहे भलाई करण आले नांई, एक भी नांई।

पर हामे एऊ निचोडा में पूजेदे साहा कि मणश व्यवस्था रे कामा का अंगी साहा, बुशाह का धर्मी हुंदा।

कधी नांई! पर परमेश्वर सचअ होर हर एक मणश झूठअ हुणअ, जेहड़ा लिखूदा साहा, जासू का तुह आपणी गल्ला का धर्मी ठहरे होर न्याय करदे वक्ते तुह जय पाये।