Popular Bible Verses from रोमियों 1

Share

किबेकि हाऊ सुसमाचारा में नांई शरमाऊदअ, किबेकि सह हर एकी बुशाह करने आले वै, पहिले यहूदी तेऊकी यूनानी वै उद्धारा रे साबे परमेश्वरा री सामर्थ्य यह साहा।

किबेकि तताका परमेश्वरा री धार्मिकता बुशाह का होर बुशाह वै प्रकट हुंदा; जेहड़ा लिखुदा साहा, बुशाह का धर्मी मणश जिऊंदअ रहण।

तेऊरे अनदेखे गुण, तेऊरी सनातन सामर्थ्य यह होर परमेश्वर, धरती री सृष्टि रे वक्ते तेऊरे कामा रे जरिये हेरदा साहा, अखे तणी कि त्या लागातार साहा।

एसा बजा का परमेश्वरा जाणने मे भी त्याहे परमेश्वरा रे लायक बड़ाई होर धन्यवाद नांई करू, पर बेकारा में विचारा करदे लागे, अखे तणी की त्या रा निर्बुद्धी मन निहारा होऊ।

किबेकि त्याह परमेश्वरा री सच्ची गल्ला झूठी बणाई होर सृष्टि री पूजा करदे लागे, ना की तेऊरी जोह बणाउण आलअ जोह सदा धन्य साहा।

परमेश्वरा रा रोष त्याह लोका वै सभी अभक्ती होर अधर्मी पेन्दे स्वर्गा का प्रकट हुंदा, जोह सच्ची गल्ला होर अधर्मी दबाई डाहंदा।

तेबा परमेश्वरे त्याह बुरे कामा रे बशा मे छाड़ी; अखे तणी की कि त्याह री वेटड़ी भी आपणे मर्दा छाडी करे होरी संगे सम्बन्ध बणाई। तेहडे ही मर्द भी बेटड़ी संगे अपणा सम्बन्ध छाडी करे आपु में गलत काम करी करे आपणी मेहनता रा ठीक फल पाऊ। होर त्याहे परमेश्वरा पछैड़ने वै नांई करू तेबा परमेश्वरे भी त्या रे निकम्मे मना रे साबे छाड़ी दिने कि त्याह एडा काम करे।

त्याहे आपणे आपा वै बुद्धीमान बणी करे भी मुर्ख बणी। होर अविनाशी परमेश्वरा री महिमा वै नाशवान मणश, होर चेलू होर सारी पशु री मूर्ति री समानता में बदलू।