Popular Bible Verses from 1 Reye 17

Share

Mãwã odua israelerã Ãcõrẽba nãwã jara b̶ʌ bẽrã: “Bʌa harina cugurud̶e erob̶ʌra, nedraga zocod̶e erob̶ʌ sid̶a jõẽ́a ab̶a Ãcõrẽba wayacusa naʌ̃ druad̶e cue zebibʌrʌd̶aa.”

Maʌ̃ ewarid̶e Ãcõrẽneba bed̶eabari Elíada b̶asia. Idjira Gala druad̶e Tisbé purud̶ebema basía. Maʌ̃ Elíaba Israeld̶ebema boro Acaboa nãwã jarasia: –Mʌ̃ra israelerã zocai b̶ʌ Ãcõrẽ nezocaa. Idji quĩrãpita wãrãneba jaraya id̶iba ʌ̃taa poa zocãrã cue zeẽ́da ni diamasi bid̶a b̶egueaẽ́da ab̶a mʌ̃a jarabʌrʌd̶aa.

Elíaba panusia: –Ne wayarãdua. Bʌa jarad̶a quĩrãca od̶e wãdua. Baribʌrʌ naãrã bʌa erob̶ʌ harinaba mʌ̃ itea paʌ̃ zaqueda ab̶a ãbu enedua. Maʌ̃be bʌ itea idjab̶a bʌ warra itea bid̶a ãbudua.

Pẽdra wẽrãba panusia: –Bʌ Ãcõrẽ zocai b̶ʌ quĩrãpita wãrãneba jaraya: mʌ̃ra paʌ̃ neẽ́ b̶ʌa. Ab̶abe cugurud̶e harinada jʌwa baratʌma ab̶a erob̶ʌa idjab̶a zocod̶e nedragada maãrĩ erob̶ʌa. Maʌ̃ carea mʌ̃a tʌbʌda maãrĩ jʌrʌ pe b̶ʌa diguid̶a edeped̶a maʌ̃ harinara mʌ̃ itea idjab̶a mʌ̃ warra itea bid̶a ãbui carea. Maʌ̃da cod̶aped̶a daira jarrababa beud̶ia.

–Namaʌba Sidoʌ̃ druad̶aa wãped̶a Sarepta purud̶e b̶edua. Mʌ̃a jãmabema pẽdra wẽrãa jarasia bʌra ne cobimãrẽã.

Ãcõrẽba Elíad̶eba jarad̶a quĩrãca harina cugurud̶e b̶ʌra, nedraga zocod̶e b̶ʌ sid̶a jõẽ́ basía.

Ara maʌ̃da Elíaba jarad̶a quĩrãca pẽdra wẽrãba od̶e wãsia. Coped̶ad̶acarea wad̶ibid̶a harinara b̶esia Elíaba, pẽdra wẽrãba, dji warra bid̶a ewariza cod̶amãrẽã.

Ara maʌ̃da Elíara Sarepta purud̶aa wãsia. Maʌ̃ purud̶e ed̶a wãbadama jũẽbʌrʌd̶e unusia pẽdra wẽrãba tʌbʌda jʌrʌ pe b̶ʌda. Maʌ̃ pẽdra wẽrãra trʌ̃ped̶a nãwã jarasia: –Mʌ̃ quĩrã djuburia mʌ̃ itea baidoda enedua doi carea.

Maʌ̃ do zaque baidoda bʌa do b̶aya. Idjab̶a mʌ̃a jarasia ĩbanaba djicoda bʌ itea eded̶amãrẽã.

Maʌ̃ pẽdra wẽrã baido jued̶e wãbʌrʌd̶e Elíaba wayacusa trʌ̃ped̶a jarasia: –Idjab̶a mʌ̃ quĩrã djuburia paʌ̃da maãrĩ mʌ̃ itea enedua.

Maʌ̃ne diaped̶aza, quewaraza bid̶a ĩbanaba paʌ̃da, nedjara sid̶a idji itea edebadjid̶aa. Do zaque baidora do b̶abadjia.

Baribʌrʌ maʌ̃ druad̶e cue zeẽ́ b̶ʌ bẽrã do zaquera poasia.

Maʌ̃ne dji papaba Elíaa jarasia: –Id̶ibʌrʌ mʌ̃a cawasia bʌra wãrãda Ãcõrẽneba bed̶eabarida idjab̶a bʌa jara b̶ʌra wãrãda Ãcõrẽneba ze b̶ʌda.

Ara maʌ̃da Ãcõrẽba jarad̶a quĩrãca Elíaba osia. Jordaʌ̃ dod̶eba ʌ̃mãdau odjabariare b̶ʌ Querit do zaqued̶e b̶ad̶e wãsia.

Elíaba bed̶ea djuburiad̶ada Ãcõrẽba bia ũrĩna bẽrã warrara ʌ̃rẽbabisia.