Popular Bible Verses from १ तिमोथी 1

Share

यी बात सही छै आर एकरापर भरोसा करे सकैछियै कि येशू ख्रीष्ट अपनासब, पापी आदमीसिके बचाबैके लिए यी संसारमे ऐलै, आर ऊ पापी आदमीसिमेसे सभैसे बडका पापी आदमी हम्हीं छियै।

मगर येशू ख्रीष्ट हमरापर दया कैल्कै। कहिनेकी हमे पापी आदमीसिमेसे भी खराब रहियै आर ऊ हमरा प्रयोग करिके यी देखैल्कै कि ऊ पूर्ण रुपसे धीरजी छै। यी ऊ आदमीसिके लिए एकटा उदाहरण हैतै, जे पाछु ओकरापर विश्वास कर्तै आर कहियो खतम नैहुएवाला जीवन पैतै।

यी आदेश दियैके मकसद यी छै कि तुहेंसब एक दोसरके साफ मन, बढियाँ विवेक आर सच्चा विश्वाससे प्रेम करे सक्हैं।

ऊ राजा जे सभे दिनके लिए राज्य करैछै, जे सभे दिनके लिए जिन्दा छै, जकरा कोय नैदेखे सकैछै आर उहे खाली एक्केटा आर सच्चा परमेश्वरके आदर आर महिमा सभे दिन मिल्ते रहै। आमेन।

हमरासिके यी भी मालुम छै कि मूसाके विधि-विधान परमेश्वरके नजरमे सही भेल आदमीसिके लिए नैछै मगर परमेश्वरके विधि-विधानके बेवास्ता करिके जानी-जानीके आज्ञा नैमानेवाला आदमीसिके लिए, आर परमेश्वरके आराधना नैकरेवाला आर निरन्तर पाप करेवाला आदमीसिके लिए, आर परमेश्वरके सम्मान नैकरेवाला दुष्ट आदमीसिके लिए, आर आपन मयाँ-बाबुके आर दोसर आदमीसिके जान मारेवाला आदमीसिके लिए छै। उटा विधि-विधान ऊसब आदमीसिके लिए भी छै जे व्यबिचारी, समलिंगी, आदमीके दास बनाबैके लिए अपहरण करेवाला आदमी, झुठ बोलेवाला आदमी, सच बोलैके वादा करिके भी झुठ बोलेवाला आदमी आर ऊ आदमीसिके लिए भी जे उटा सभे कुछु करैछै जकरा सही शिक्षा अपनासिके करैसे रोकैछै।