Popular Bible Verses from Luk 4

Share

«Sisim ɛ Ghɛŋ ɛ́ nɛ nam etɛɛ náá, nyɛ naadjɛ mɛ ebotan, étɛp mɛ neezɛtuud bɛdjel ɛ bot Mbɛɛ Bhaadal. Nyɛ nadhis mɛ ɛ́, mɛ zɛlɛɛ bot ɛ membok náá, bɛ moo ɛ́ etiia. Mɛ zɛlɛɛ bɛ na edhim náá, bɛ moo zɛnyaa sok. Mɛ zɛlɛɛ bot ɛ́ di nyalaa ɔ náá, bɛ moo ɛ́ pɛka. Mɛ zɛtuud náá, mena moo ɛ́, é mɛwala ɛ Ghɛŋ di zɛtsik bot bɛ ɛ.»

Yezu eezɛbɔɔza nɛ nɛ náá: «Ekwyala lɛɛ ɛ́ náá: “Yɛ ɛ́ Ghɛŋ, Zɛɛb'ɔ ɛ wɔ di egoka nɛ ɛduwal. Wɔ goka nɛ ɛsa ɛ́ mɛsa mɛ met.”»

Yezu eezɛbɔɔza nɛ nɛ náá: «Ekwyala ɛ Zɛɛb lɛɛ ɛ́ náá: “Ye tok mapa nɛ mapa di esa náá, mot di nɛ tsik.”»

Dáa Yezu nabula pɛ dii Yuldɛn ɛ, ye nabɛ ɛ́ Sisim na Dɛɛ moo tɔɔɔ tɔ lɛ, Sisim eezɛdul nyɛ tɔ bal

Tin, Yezu eezɛbɔɔza nɛ nɛ náá: «Ekwyala baalɛɛ ɛ́ náá: “Sa wɔ ààwa Ghɛŋ, Zɛɛb'ɔ tɔ mɛbhowal.”»

Bhii nyɛ nazewa Yezu tɔ mɛbhowal dáa nyɛ nakwyɛl ɛ, dim mot mɛkɔŋ eezɛbet nyɛ, tɔ́ ɛtsetaɛpe, kɛbwood dhiiti kɔkɔ sis.

Bhii tak, dim mot mɛkɔŋ eezɛbyet nɛ nɛ kɔ dwol, wɔ gwaa, nyɛ lyaal nyɛ tɔ ɛwala ɛwat mɛyoŋ mɛ di kɔ ɛko ɛ bɔs djas. Dim mot mɛkɔŋ eezɛke nɛ nɛ náá: «Gwyáka, mɛ waadjɛ wɔ eghɛŋ nɛ mɛkas mɛ di tɔ mɛyoŋ mak ɛ djas. Etɛɛ náá, ye naazedjɛaa mɛ. Mɛ ɛ́ nɛ ghwyil ɛdjɛ nɛ mot mɛ aakwos ɛdjɛ ɔ. Yɛ bɛ náá, wɔ eemyaal ɛkwyit mɛboŋ mɔ si duwal mɛ ɔɔ, mɛ waadjɛ wɔ esa djas.» Yezu eezɛbɔɔza nɛ nɛ náá: «Ekwyala lɛɛ ɛ́ náá: “Yɛ ɛ́ Ghɛŋ, Zɛɛb'ɔ ɛ wɔ di egoka nɛ ɛduwal. Wɔ goka nɛ ɛsa ɛ́ mɛsa mɛ met.”»

Bhii tak, dim mot mɛkɔŋ eebaazɛtɔ́ nɛ nɛ pɛ Yeluzalɛm, nyɛ eezɛgel nyɛ kɔ ngɛs Ndjaa-ebuwa. Nyɛy nɛ Yezu náá: «Yɛ bɛ náá, wɔ ɛ́ Mɔn ɛ Zɛɛb ɔɔ, tsela, da wɔ ɛ́ kɛduma pɛ si. Deenek, etɛɛ náá, Ekwyala lɛɛ ɛ́ náá: “Kɔ ɛsu ɛ lɔ, Zɛɛb ɛ́ waalɛɛ nɛ efofop bɛ náá, bɛ baal wɔ.” Tin, baabela náá: “Bɛ waabɛp wɔ kɔ mɛmbɔ mɔɔ, ekaab náá, ko'ɔ ɛzɛkɛbema ɛbɛk.”» Tin, Yezu eezɛbɔɔza nɛ nɛ náá: «Ekwyala baalɛɛ ɛ́ náá: “Sa wɔ ààwa Ghɛŋ, Zɛɛb'ɔ tɔ mɛbhowal.”»