Allahdi Musa tep pepu.
Kandi Israel nesala tep upepkurume. ‘Sundi, saitun co du taikmengepa, er minyak me pio telep kuprengepu doupra, ne Allah tep, si eremna cap, nimi cap antamdana tep ati, neitamaipu yana, upna deipkamrume. Weica pio telep kupra lana tep nengeda, saitun co du taikmengedi, purukmengopda, saitun me gwepkamngepu, kareryankankamnunge. Ne Allah cap, nimi cap, antamdana tep, keteneipkamrum tenda ati neitamai dinin, nedi Musa tep, “Angeda kunkamrume, angeda pio men kunkamrume,” peipsipa, Musadi gel butene deiki seksi upu kipra deipu co bekin, er si Peti Perjanjian pumbon deipkamre ati, Pio Telep Lengna Ati penup atida, akati wilimna tep, kapkotepkamrum lyom opkal gorden bura tara utopu kupkamraida, lampu weica deipkamrume. Alampu weica kalengna nengda, Harun cap, er nyapu cap, sun dipapu, ‘Aweica taprur’ tenen, sun dipu sintara di dipdongopra kalekra pel donmangepane, ipna kemkamre. Ataru neitamai yumada, akati deipkamre upna, pio lanapu kunkamrure. Aweica pio lanmarepa, ne Allah Yahwehdi, aweica lapmarepa, pio dinkamnune. Nedi aweica tep lap pepmaken upuda, pio men tapkamnunge. Atep, ataru di dipra, dorkunkamre keteng tamun neitamai yumada, Israel nesaladi, apel pio donkamnunge. Ada, Harundi deiprepa, dadeipdanen bankameng nesala yuma peda, apeipsentopu pio tep kupbankamnunge.
Allahdi Musa tep lap pepu.