ปอ อู เฌณ เฌาพรา วี ต็อห ดี อาโมวแซ, “แม โลว จัร เฆ ดูอี อีซาเรลัะ แตห เฆ ตึย นามัน ซีงา, ปี กรีด เลห เฆ ดี เบล นามัน. นามัน ตี เบ โลว ฮับ แคง เงา ราง ตาง ตึอน, แตห เงา ราง มึห เงา, แตห อึณ บลาง เซเซ. บอ อาโรน บอ เฆ ฆอน อีมาย อัน, เฆ โลว ลึมลา เงา ราง ตึอน. อัน กอย นา เรต บีก ตาง ตึอน อี ฆ็อง นา อาต ฌีดืก ตึอน. เงา ราง ตาง ตี เฆ โลว แตห อึณ มึห เงา เซเซ, แตห อึณ บลาง ดี อาต เฌาพรา อู ซีณ แคง หมึร กอ ฌัม ซีณวัห. เบ ดูอี อีซาเรลัะ โลว โบง ปาย ตี แตห เบ วี โดบ ปี จัร โอว ตี ดอน โจว ดอน บาน. แกวะ แตห เบ แวน ดอ เหมา.” ปาย ตี เฌาพรา กาลาง ดี อาโมวแซ ดอ กอย อัน แดง นอน เฌาพรา ตึอน.