Popular Bible Verses from Ngalate 5

Share

Nkalave, lemono ya yeempa Oduduma Cece: jya, kase, kadusu, kajila, kayamaŋa, ove, tele, ŋa samisami, ŋa lemigi le kaka mfumu a weankulu. Se ngiri mon ye yebele elogo esila bya kali.

Yiga lemono ma lyele mi be: lenyina Oduduma cece kabira omwo o be ŋa be lebira ka ma nyima ajya maabi.

Aka bizi a be kaka ma Oduduma, leje se ma Oduduma.

Baari baali ŋa Kirisite Jezu ba akomo yila lemaanji ajya maabi a bo.

Bizi a be leyayi ba ebira ajya maabi ŋa baari: ma kabiza sa maami maabi ma baala, eki beebi, ŋa esima ba okuru. Bo kabwono anjyami ba oca, bo baasa ampiini. Bo ba abele ake bila baamo, letogo ŋa yala. Bo ŋa nkeri, bo ŋa lebila, ŋa bo ŋa cala ka mpanaŋa bo. Bo ajii kabaga beeli ŋa abuga, bo ba aselege nywa mali, bo baasa cinda le eki beebi ŋa bo ba avura sa ekima mva bwa. Mi eyieze be ŋa mi yiga ma mana lyele: ba baasa kalogo kya ba kabaga biri nca omfumu o Njyami ŋi.

Ŋaa be, andumu, be kiigi acwoli ma kavuzuga. Ŋaa ma be ba lema vuzuga, lebira kalwono ajya be maabi. Nkalave, ma jya, leka ma ojanji ba ake bila baamo.

Ajya maabi ma ajwana bila Oduduma o cece, ŋa Oduduma o cece ajwana bila ajya maabi ma. Mpanaŋa bo, eta, ŋa emani, ndi be lebuna sa ma jii be ŋi.

Kabila Ngiri eso esi nca mbari mutu, yi bu: «Ave we jya buga lengulu mva wemankulu.»

Lebiza kaka ŋa kamba, bizi a be lebira kajwana, lebira yala kasa se.

Kirisite ma vuzuga bizi a be mini bizi a be leka avuzugi ba syele. Leka pa, yiga, be lebira kamaka ayiga ba enyari.