Popular Bible Verses from Santiago 2

Share

Jee sukuán jee, retú káchíꞌ ñɨvɨ ya̱ kúneí iniꞌ ráa Jesús, jee suni retú ntu sáꞌá‑a tiñu váꞌa, saájee kuéntáꞌ níꞌiꞌ ya̱ kua̱chi kúneí iniꞌ‑i, chi ntu tékúꞌ ya̱ ínúꞌ iniꞌ‑i.

Chi ni̱yɨ ví ñunéꞌyúꞌ‑ó retú ni nsú jín ta̱chi̱ꞌ káꞌánꞌ‑ó, jee suni suꞌva kuéntáꞌ níꞌiꞌ ya̱ ínúꞌ iniꞌ‑ó Ndiosíꞌ retú ni nsú jín tiñu váꞌa sáꞌá‑ó.

Ránoꞌó ñaniꞌ ni̱ꞌ jín ku̱ꞌva ni̱ꞌ, ¿na̱ nu̱u̱nꞌ vá íyótiñu, retú ɨɨn ñɨvɨ káchíꞌ ya̱ kúneí iniꞌ‑i Jesús, jee retú ntu sáꞌá‑a tiñu váꞌa rúja? Retú suꞌva kúneí iniꞌ ñɨvɨ vá, ¿á kúvi natavaꞌ‑a ñɨvɨ vá nu̱u̱nꞌ kua̱chi ñɨvɨ vá sikáku‑u ñɨvɨ vá résa?

¿Á jínúꞌ iniꞌ nú ya̱ íyó métúꞌún ni Ndiosíꞌ? Va̱tu̱ni sáꞌá nú. Soo suni ne̱ rá ta̱chi̱ꞌ kíni jínúꞌ iniꞌ maa, jee ne̱ nɨ́ꞌɨn ráa ya̱ yúꞌví ráa.

Soo sa̱naanꞌ jee kachiꞌ ɨɨn ñɨvɨ ya̱: “Noꞌó chi kúneí iniꞌ nú Jesús, jee nuꞌuꞌ chi sáꞌá ni̱ꞌ tiñu váꞌa.” Stúvi nu̱u̱nꞌ nuꞌuꞌ ya̱ kúneí iniꞌ nú Jesús, soo ni nsú jín tiñu váꞌa sáꞌá nú, jee jín rá tiñu váꞌa sáꞌá ni̱ꞌ stúvi ni̱ꞌ nu̱u̱nꞌ nóꞌo ya̱ kúneí iniꞌ ni̱ꞌ re̱ꞌ.

Chi ki̱vɨ̱ꞌ sanáaꞌ re̱ꞌ kua̱chi, jee nsáꞌ kunáꞌví iniꞌ re̱ꞌ kune̱ꞌyá re̱ꞌ ñɨvɨ ya̱ ntu nkúnáꞌví iniꞌ‑i nne̱ꞌyá‑a ñanitáꞌán‑a. Jee ñɨvɨ ya̱ nku̱náꞌví iniꞌ nne̱ꞌyá‑a ñanitáꞌán‑a jee kusɨ̱ɨ̱ꞌ iniꞌ‑i ya̱ kunáꞌví iniꞌ re̱ꞌ kune̱ꞌyá re̱ꞌ maa ki̱vɨ̱ꞌ sanáaꞌ re̱ꞌ kua̱chi.

Jee néꞌyá rán jie̱ꞌe̱ꞌ tiñu váꞌa sáꞌá ɨɨn ñɨvɨ ya̱ stúvi ya̱ kínóo na̱a̱ꞌ ñɨvɨ vá nu̱u̱nꞌ Ndiosíꞌ jee nsú jie̱ꞌe̱ꞌ ya̱ kua̱chi ínúꞌ iniꞌ‑i, jee ntu sáꞌá‑a tiñu váꞌa.

Jee jíníꞌ nú, ya̱ kúneí iniꞌ Abraham Ndiosíꞌ ví ya̱ nsa̱ꞌá‑a ya̱ saꞌá re̱ꞌ tiñu váꞌa. Jee jie̱ꞌe̱ꞌ tiñu váꞌa nsa̱ꞌá re̱ꞌ nchu̱chítú ya̱ jíjia iniꞌ re̱ꞌ kúneí iniꞌ re̱ꞌ Ndiosíꞌ.