Popular Bible Verses from 1 कुरिन्थियों 6

Share

कियों तुँऐं ऐजो जाँण्दे ने, के तुँवारी देह्-शरीर पबित्र-आत्त्मा की देऊँठी असो; जू तुवाँरे भितरा बास करह्, जुण्जी आत्त्मा तुँओं पंणमिश्वर कैई शी भेंटी रंऐ; अरह् ईन्दा तुवाँरा किऐ भे हंक-अधिकार ने आथी? किन्देंखे के तुँओं दाँम देऐयों मुले लऐ थुऐ, ईन्देंखे आप्णी देह्-शरीर के जाँणें पंणमिश्वर की बड़ियाऐ करह्।

कियों तुँऐं जाँण्दे ने के अनियाँऐ कर्णो वाल़े लोग पंणमिश्वर के राज्य के वारिस ने हंदी? परह् धोखा ने खाऐ; ना बैष्या गंम्मी, ना मुर्ती पुज्णों वाल़े, ना पराई तिरोंई आरी चोरी-जारी कर्णो वाल़े। ना मरदो आरी मरोद भोग-बिलास कर्णो वाल़े, ना चोर, ना लोभी, ना पियक्ड़-शराबी, ना गाल़ी देणों वाल़े, ना अनियाँऐ, कर्णो वाल़े, पंणमिश्वर के राज्य के वारिस हंदी।

बिचका-काम चूरी-जारी शे दुर्के भागो! ओके जै-तोड़े भे किऐ पाप आदमी करह्, सेजे बादे पाप देह्-शरीर शे दुर्के हों; परह् बिचका-काम चूरी-जारी कर्णो वाल़ा आप्णी ही देह्-शरीर के बिरूध पाप करह्।

बादी चींजो मुँखे ठीक तअ असो ऐ, परह् बादी चींजो मेरे फाय्दें की ने आथी; बादी चींजो मुँखे ठीक असो, परह् हाँव कोसी बातो के बंष दा ने रंह्दी।

पंणमिश्वरे आप्णी शक्त्ति लई सिर्फ प्रभू ही ने जियाल़ी, परह् से आँमों भे तियों ही शक्त्ति लई पाछु ऊबे जियाल़्दे।