Popular Bible Verses from Afisa 6

Share

Rot zwang njit ji shyi bu ba̱neywu ba, ma bu a̱ka̱tuk ntswa nu a̱ byyi cet na̱bvwa Tazwa bu ka̱byen ni, a̱tityok, cet, bu a̱tityok ndyin zamani nani.

Sa̱rei nkyang ani yi yya nta̱mak ba̱ a̱duwa naai Ka̱za ka ya brang. Yi ryok yya a̱duwa ntrung ka̱ram ba, Tswa Ka̱za a̱mi ya brang yya a̱duwa. Rot a̱mi se yi cam, yi ryok rwan ba, sa̱rei ba̱nyet ba a̱ yet ba̱nying Ka̱za ni yi ba̱ yya a̱duwa kozan ka̱ram.

Se yi ya rop ansham i sook sa̱rei nkyang zwang a yet nying Ka̱za na ni, i gi maai sseng ba̱ a̱ka̱tuk a̱za̱ncyi a̱gwam a̱ka̱tuk tswa nu.

Rot a̱mi se yi kup sa̱rei nkyang zwang Ka̱za, ki a̱ka̱tuk nom u a̱ bu ba yi gi bu maai sseng ka̱bvwa nyin ka, ka̱ram ka yin tyak kozan kyang ni yi gi maai sseng.

Tyyi rya nkpa yet a̱ryet u yi gi n hwwun nhyot a Ka̱ta̱nyrang ka tang ni. Sucet a Yesu na̱ wwat i nkpa yet a̱ka̱te ntswam u, ba̱ryat Ka̱za ba a̱ yet ka̱krong a̱kpat ka Tswa Ka̱za zi wwat ni.

Se yi sseng ansham: Tyet ndyang nyin na rop di ka̱ryong. A̱zizrak ka̱cyet a̱mi a̱ ni yet a̱ryet u yi ni kup ni. Rop a̱tak naat tyyei Ka̱sham Ba̱ryat myyi rya nkpa yet a̱kpatak nyin na.

A̱ngbom kyang u n ni ya tyyei ni: yi tyyi cet ka̱yat A̱gwam Yesu bu ka̱yat a̱gba̱dang cet nu ka.

Truwang ji hywa, “Tyong a̱tyyi nwan ba̱ a̱na nwan.” nji a̱mi yet truwang ka̱tsitsrang ji byyi rop-wwon ni. Rop-wwon nu nu a̱ yet “Nnom swat ka̱sa nwan na i gi shii ka̱tswa, a bu hok ansham nna.”

Na̱won, dolet a̱mi yi pfong ba̱tyyi bu ba̱naa nyin ba, rot kyang a myim ba̱nyet tssup a̱ yya ni yemi.