Popular Bible Verses from Ukunukuo 3

Share

‘Tegheeya! Nene nëmëkie ugënyamwango ngufëndua. Muntu nëwatëgheeya ruri wane na urughua rurye, ngingëa umwakwe na ngula malëwa itambëëmwe na mweesono, mweesonoo ugula itambëëmwe na nee.

Nëyamanyie mantu ako oong'e! Nëmanyie mwino veve utë muryuku mbesa utë mufyu. Bahu ësa wë intu remwedu gwa ayaa mbesa; muryuku mbau mufyu. Uvii, gusoko we mütütü, uti muryuku mbesa uti mufyu, ngungürüka!

Nene unë ngumwonyaa na umusucha woong'e nënëmuyanjëtë. Gwa uvii khomia nkhoo, rekanuka na mahutye ako.

Nëyamanyie mantu ako oong'e! Itungwee narughua usonge ako rurye në gutie muntu nëudahëtë gutia; nëmanyie mwino mbesa utikweti nguu ino, gweeso wayakwatëëre maraghëëyo ane, waukunyatye ukhani wane na winarëkhana rina rane.

Vasaa nëvëuhuma, nguvikheecha itambëëmwe na nee gunto a itumbë rane ra utëmi, mwino noo nene mughonjo nënahumie nëgikhaa itambëëmwe nanë Tata wane gitumbë rakwe ra utëmi.

Veve ugihanyaa, ‘Nene në mughwarë, nëkweti oong'e ntifere gëntu mba gëmwe.’ Ngwë utimanyie mwino veve u mulegheku, ugufenja gonewa uvavi, u mutuki, umufoku kangë wë gëfuyu!

Gusoko veve wakunyatëe iraghëëyo rane ra ughimu, neenoo nguguhaghamëya vëja itungo ëroo ra makhasëko nërëjie uwuhanga urëmi uvaghema voong'e nëvigëkhaa muurëmi.

Nëjie kunë vee ruvë! Ghoja, uvii, nëugëkwëte itungwee, utajee uhegheywa na muntu woong'e ngaa ako a ühumi.

Fëtya! Khomya roong'e në rija nërësighie nëkëë rasëëno rënahira hiiri. Gusoko ufikëa itungwee, ntinoona ntendo yako yakhodekeka usonge a Muungu wane.