Popular Bible Verses from 1 Yohana 5

Share

Na uruu në ukhamu në sese guwukweti mukhatë akwe, mwino sese guromba intu gëkaku gwa uhonga mafenji akwe mweeso ugugutegheeya sese.

Na nësa sese gumanyie mwino mweeso ugugutegheeya sese gwa intu gëkaku nëguromba, sese gumanyie mwino guhanga mantu asaa nëguyarombaa kunë mweeso.

Gusoko uruu unë uyanjo wa Muungu, uvii sese gukwatëëre maraghëëyo akwe. Na maraghëëyo akwe ti makaku ino kunë sese. Gusoko wasuu unë ufafiwe na Muungu uguuhumaa urëmi. Na uruu në uhumi në uguuhumaa urëmi, rasëë në sese guhuvëe.

Mweeso unë umukweti Mwana ukweti ufanga; mweeso unë ati mukweti Mwana wa Muungu atikweti ufanga.

Nene ngamwandëkëa ërëë kunë nyenye unë muhuvëe rina ra Mwana wa Muungu, gusoko nyenye mudahe umanya mwino nyenye mukweti ufanga wa khae na khae.

Sese gumanyie mwino muntu woong'e nëwafafiwe na Muungu atiutendaa ihutye, ëgweeso Mweeso në arë wafafiwe na Muungu, Muungu ugumughojaa mweeso, na muvë uyoo atiumutenyaa.