Popular Bible Verses from Vafilipi 4

Share

Mutanage ukwituunidza ni kiinu kikivedzaga, nda haamu, mulapangilage nu kugongoola mu dzonda pamwinga nu kuhongedza, ifya kuponela fyenyo fidzeelekage kwa Nguluvi.

Mu dzonda idzo, uNguluvi ahadza akuvapeela ulutengamaso lukomi hiilo ukulutila ikigelelo kya kulufika. Ulo luhadza lukuvuuvatila mutanage ukoogopa mu numbula dzeenyo, enewuli kunyengʼemala mu mahoodzo geenyo umusika gwa nalamu, pakuva unyeenye muli vaanu va Kilisiti Yesu.

Vafuuwa vayangu, ndiimala lino ndiitigila, mu mahoodzo geenyo mwinatilage amadzwi ga ndakyene, agiivagila ukuginikwa, amagolofu, amanofu, agiikeeledza, agiilongwa wunofu, na manofu agiivagila ukulumbwa.

Ndili nu ludali ulwa kulima dzonda idzo, pakuva uKilisiti ye mwene ye akuumeela ingufu.

Mukeelage mbeepali mu numbula wiimila wa wunyalumwinga weenyo mwa Mutwa Yesu, kangi ndiitigila, mukeelage!

Wiimila wa ulo, uNguluvi vangu ahadza akuvapeela fyonda fye mwikeepa, kutegana nu wumosi wa ndolo dzaakwe wugendela mwa Kilisiti Yesu.

Mulimage dzonda dze mwíwulaniidze nu kwanukila ukuhuma ukwangu, kangi dze mwapuliike nu kulola dze ndaalimaga. Nayu Nguluvi umunya lutengamaso ahadza iivedzasa naanye.

Uwuleele weenyo wudzeelekage ku vaanu vonda. UMutwa ali biihi.

Lino ndiidzeela ulwa kuvedza ni fikeefu nu lwa kuvedza ni ífifulwike. Ndíiwulaniidze ulwa kinyele ulwa kwisiikila mu luluvedzaga, ngana ndíigwite enewuli ndídagiine, ukuvedza ni fyoloofu enewuli ukukeepa.

Sindiilonga ewo, pakuva ndíkeepile, neke kangi ndíiwulaniidze ingʼaasi ya kwisiikila mu luluvedzaga ulukuundzadzila.