Popular Bible Verses from Vakolosayi 3

Share

Mwinyamulilage, kangi ngana umuunu ámwanguwe umuyagwe, mwipyanilage ndawuli uMutwa kye avapyaniye unyeenye.

Muhoodzehedzage idzili kukyanya, mutanage ukuhoodzehedza idza pe naanyi apa

Amalimo gagavedzaga ge mwilima, mwitawulilage ni numbula yonda, ngita mukumulimila uMutwa, si vaanu hela

Neke lino, pakuva unyeenye muli vahaagulwa va Nguluvi, viimike ve akuveenda, lino mufwalage uwumuunu wa lusungu, uwumuunu uwunofu, ulwiyiso, uwuleele nu wisamutima.

Ilidzwi lya Kilisiti liikalage lyolwike mugati umwenyo, kuno mukwiwulanidza nu kwiwunga mu luhalawukagudzi londa. Mumwimbilage uNguluvi ni numbula dzeenyo mu ndzimbililo, imwito ni ndzimbo idziihuma mu numbula, pamwinga nu kumuhongedza. Dzonda dze mwilonga, enewuli ukulima, mulimilage dzonda mu litaawa lya Mutwa Yesu, nu kumuhongedza uNguluvi uDaada wugendela mwa Yesu.

Ulukomi hiilo mu dzonda idzo, mwiyendage, pakuva uwende we weene uwiiwopa fyonda mu wunyalumwinga uwukwilifu.

Lino, pakuva uNguluvi ávadzulubwise pamwinga nu Kilisiti, mutemulage idzili kukyanya, kwe agenda uKilisiti, ye íikalile apoono pa luginiyo ku liwoko ilya kundiyo ilya Nguluvi.

Ulutengamaso lwa Kilisiti lutemage mu numbula dzeenyo. Ulutengamaso ulo, lwe lwene lwe mwakemeeleliilwe ukuvedza muvili gumwinga. Kangi muvedzage vaanu avanya luhongedzo kwa Nguluvi.

Lino mutanage ukugilimila imivili gyenyo mu malimo ga pe naanyi, ndawuli uwugoni, uwulamafu, uwudobofu uwuviifu, amahoodzo amaviifu, ni kyoyo. Ukudoboka ewo, kwe kwifuunya ku fihwananguluvi.

pakuva unyeenye múfuwe, lino uwuumi weenyo uwupiya uwusiiwoneka, wiiloleelwa pamwinga nu Kilisiti mwa Nguluvi.

Neke kangi lino, mulekelage ngʼaani dzonda idzo, iligooga, ililaakali, amaligo, na madzwi amaviifu ukuhuma mu milomo gyenyo.

Mutanage ukwidetela, pakuva múwufuulile uwumuunu uwulovela pamwinga na malimo gaakwe, múfwalile uwumuunu uwupiya. UNguluvi áwuviikile uwumuunu uwupiya uwo mugati umwenyo, nu kuvahambusa muhwanane hiilo nave, ukuta mumukagulage wunofu, umwene ye avagavile.

Na yuunye vagoosi, muveendage avadala veenyo, mutanage ukuvedza vasali ukwawo.

Na yuunye vaana, muviidikage avavaha veenyo mu dzonda, pakuva pa kulima ewo, lukumukeeledza uMutwa Yesu.

Unyeenye vadala, mwilefyage ku vagoosi veenyo, ngita kye lwivagila ku vaanu avakumufuuwa uMutwa Yesu.