Popular Bible Verses from San Mateo 4

Share

Ti Jesuse xi laj staq'ue: —Xi ta xal ti sc'op Diose: ‘Ma'uc no'ox ta pan ta xch'i xc'opoj ti vinique. Ta xch'i xc'opoj ta sventa jujubel c'usi ta xal ti Diose.’

Ti Jesuse xi laj stac'bee: —Batan, Pucuj, ti sc'op Diose xi ta xale: ‘Ich'o ta muc' ti Ajvalil Dios avu'une, ac'o aba ta tunel yu'un.’

Ti Jesuse xi laj staq'ue: —Xi ta xal ti sc'op Dios xtoque: ‘Mu xalajeltsa ti Ajvalil Dios avu'une.’

Ta jech yepal un, ti Jesuse iq'ue batel ta sbajtical banomil yu'un ti Ch'ul Espiritue yo' jech ta xlajeltsae yu'un ti pucuje. Cha'vinic (40) c'ac'al, cha'vinic (40) ac'ubal, mu'yuc xve'. Ts'acal to un, lic ya'i vi'nal.

Ti Jesuse xi laj yalbee: —La' chi'inicun, ta xcac' yan avabtelic ta yiq'uel talel ti jnaclejetique. Ti stuquique ta ora no'ox laj yictaic comel ti smasobil xchoyique, batic xchi'uc ti Jesuse.

Ja' o yorail laj sliques yabtel ti Jesuse, ti xi laj yale: —Na'o aba ava'iic, sutanic talel ta stojol ti Diose, yu'un nopol xa yorail ta xventainvan ti Dios ti oy ta vinajele.