Popular Bible Verses from San Mateo 3

Share

Lecuc ti c'usi ta xapasique yo' ta xvinaj ta j'ech'el ti lasutic talel ta stojol ti Diose.

Ja' o vinaj talel ti oy Buch'u c'opoj ta vinajel ti xi laj yale: —Le'e, ja' Jnich'on ti c'ux ta xca'ie, ximuyubaj yu'un.

C'alal laj yich' vo' ti Jesuse, loc' batel, ta jech yepal jam ti vinajele. Ti Jesuse laj yil ti Ch'ul Espíritu yu'un ti Diose ti co'ol s'elan jcot paloma ti ta xyal talel ta stojole.

Ta melel, vo' no'ox ta xcac' avich'ic ta yiq'ueloxuc ti sutanic talel ta stojol ti Diose. Ja'uc ti Buch'u ta ts'acal to ta xtale, ta xac'boxuc avich'ic ti Ch'ul Espíritu ti co'ol s'elan c'oq'ue. Ti Buch'u ta ts'acal ta xtale, jelavem ti smuc'ule. Ti vu'une ch'abal c'usi xu' cu'un, mi ja'uc ta yich'bel batel ti xonobe, mu'yuc jlequilal ta stojol.

Chapal xa ti eq'uel ta slomes ti te'etic xchi'uc ti yibele. Scotol te'etic ti mu'yuc lec ta xac' ti sate, ta xich' bojel yo' jech jip xi ochel ta c'oc'.

Ti Juan taje, ja' ti buch'u xi ts'ibabat sc'oplal yu'un ti j'alc'op Isaiase: “Oy buch'u tsots ta xc'opoj ta xocol banomil ti xi ta xale: ‘Jambeic tuq'uil be ti Cajvaltique. Meltsanbeic lec sbe.’ ”