Popular Bible Verses from San Mateo 1

Share

Ti Mariae ta xil jun squerem, Jesús ta xavac'be sbi. Jech ta xavac'be sbi, yu'un ta spoj ta scolta ti steclumal yu'un ti smulique.

‘Ta xchi'in yol ti jun tojol tsebe. Ta x'ayan jun squerem, Emanuel ta xac'be sbiin.’ (“Dios ta sva'an stec'an sba ta jtojoltic”, ti xi ta xac'be sbiine.)

C'alal jech ta snope, tal jun yaj'ánjel Dios ti xi tal albatuc laj yil ta svaiche: —José, snitilul ajvalil David, mu xlo'ilaj avo'nton yu'un ti Mariae, ic'o. Ti yol xchi'uque, ja' ta sventa smuc'ul stsatsal ti Ch'ul Espiritue.

Xi s'elan voc' talel ma' ti Jesucristoe: Jac'bil xa ox yu'un José ti María sme' ti Jesuse. C'alal mu'yuc to yic'oj sbaique, xchi'uc xa ox yol ti María ta sventa smuc'ul stsatsal ti Ch'ul Espiritue. Ti jech jun lequil tuq'uil vinic ti José smalal ti Mariae, mu sc'an ta xac' ta q'uexlal. Ta scomtsan ya'i ta mucul.