Popular Bible Verses from San Juan 19

Share

Xi laj yal Jesús ti c'alal laj yuch' ti ch'ail poxe: —Cuch xa cu'un scotol. Nijbuj yalel, cham.

Laj taj une, ti sna'oj xa lec Jesús ti scotol c'ot xa ta pasel ta stojole, xchi'uc yo' ta xc'ot ta pasel jech c'u cha'al ta xal ta ch'ul c'ope, xi laj yale: —Taquin xa ma' ti co'nton une.

Ti Jesuse laj yil ti sme' va'al ta sts'el ti jun yajchanc'op ti buch'u mu tuch'baj ta xa'ie, ti xi laj yalbe ti sme'e: —Me', tey va'al ta ats'el ma' ti aquerem ole. Xi laj yalbe ti jun yajchanc'op ti mu tuch'baj ta yo'nton ta xa'ie: —Va'al ta ats'el ma' ti ame'e. Va'i un, ti yajchanc'ope laj yic' batel ta sna sme' ti Jesuse.

Ja'uc c'alal nopajic batel ta sts'el ti Jesuse, laj yilic ti chamem xae, mu'yuc xa sc'asbeic ti sbaquil yo'e. Manchuc mi jech un, oy jun soldado laj to spajbe ta lanza xocon xch'ilte' ti Jesuse. Ta jech yepal, loc' talel ch'ich' xchi'uc vo'.

Ti jech c'ot ta pasel taje yo' ta xc'ot ta pasel jech c'u cha'al ti xi ta xal ti ts'ibabil ta ch'ul c'ope: ‘Mi junuc sbaquil laj sc'asbeic.’ Oy bu ts'ibabil ta ch'ul c'op xtoc ti xi ta xale: ‘Laj yilic ti buch'u laj syayijesic ta lanzae.’

Ti Jesuse loc' batel, xcuchoj batel ta snequeb ti scurusal yo' ta xbat bu oy ti Baquil Jolil sbie, ti ja' Gólgota sbi ta hebreo c'ope.

Ti soldadoetique laj xotic ta jalel ch'ix, laj xojbeic ta sjol ti Jesuse. Laj yac'be slap ti ic'-ic' losantic sba stsajal c'u'ile