Popular Bible Verses from 2 Corintios 9

Share

Yu'un ti Diose, yepal no'ox xu' ta xayac'boxuc ep ta tos alequilalic yo' oy ono'ox ti c'usi ta xtun avu'unique, xchi'uc yo' yepal no'ox oy avu'unic ta coltavanej ta spasel ti lequil abteletique.

Ti jujune ac'o yac' ti c'u yepal ac'bat sna' yu'un ti sjol yo'ntone, ti ma'uc xchibal yo'ntone, ti ma'uc sujbile, yu'un ta xc'uxubine yu'un Dios ti buch'u xmuyubaj ta xaq'ue.

Vuleso ta ajolic ti xi s'elan jech c'u cha'al li'e: Ti buch'u juteb ta sts'une, juteb ta sc'aj. Ti buch'u ep ta sts'une, ep ta sc'aj.

Ti ts'unubal ti ta xich' ts'unele, xchi'uc ti c'usi ta xich' tunel lajesele, Dios ta xac'. Ti Dios taje ja' ta xac'boxuc scotol ti c'usi ta xtun avu'unic ta sventa ti ats'unubique, xchi'uc ta sts'ites talel ti ats'unubic ti jech ta yutsil avo'ntonic ta xacoltavanique. Ti jech taj une, yepal no'ox avu'unic ep ta tos c'ulejal yo' xu' ta xacoltavanic ta yutsilal avo'ntonic. Ti coltael ta xavaq'uic ti vu'uncutic ta xquich'cutic batele, “colaval Dios”, xiic ti jch'unolajeletic ta aventaique.

¡Coliyalbotic ti Diose, yu'un laj yac'botic jun jmotontic ti mu albajuc yutsil ta j'ech'ele, ti mu xa xtal sjolilal c'usi ta alel yu'une!