Popular Bible Verses from 2 Corintios 7

Share

Ti at o'ntonal liquem talel ta stojol ti Diose, ja' ta xac' ta na'el ti yich'uc ictael comel ti xchopolal o'ntonale yo' ta xich' talel ti pojel colele, yo' jech mu'yuc c'usi xal ti o'ntonale. Ja'uc ti at o'ntonal sventa banomile, naca lajel tubel sq'ueloj batel.

Ti co'ol jchi'il jbatique, ja' jech albil ma' ti jc'oplaltic taje. Jech o xal tsots sc'oplal, la' jq'uel jbatic lec, mu jsoques ti jbec'taltique, mi ja'uc ti co'ntontique, jxi'tatic ti Diose yo' lec ta q'uelel ti jcuxlejaltique.

Avi tanae, ximuyubaj xa, ma'uc ta scoj laj cac'oxuc ta at o'ntone, yu'un ti jech laj avat avo'ntonique, loc' venta yu'un lasutic talel ta stojol ti Diose. Yu'un jech loc' ayan ta yo'nton Dios ti laj avat avo'ntonique. Ti vu'uncutique mu'yuc c'usi chopol laj jpasboxuc.