Paykunamanqa Diospa kamachikuyninkunatayá hinallataq leyninkunatapas yachachiy. Saynallataqyá yachachiy allinta kawsanankupaq hinallataq allin kaqkunata ruwanankupaqpas. Chaypaqyá Israelpa miraynin runakuna ukhumanta runakunata akllay, saynapi qanta yanapasunaykipaq. Chay akllasqayki runakunaqa khaynan kananku: Allin yachayniyoqkuna, Diosta manchakuqkuna, ama llullakuspa cheqaqta rimaqkuna hinallataq imatapas ama qolqeraykulla ruwaqkuna ima. Paykunatan churanayki, waranqa runakunapa jefen kananpaq, pachak runakunapa jefen kananpaq, pishqa chunka runakunapa jefen kananpaq hinallataq chunka runakunapa jefen kananpaq ima.