Popular Bible Verses from Korintotɔwo I, 12

Share

Woɖea Gbɔgbɔ la ƒe dɔwɔna ɖe go le ame sia ame me be wòaɖe vi na amewo katã.

Azɔ la, Kristo ƒe ametie mi katã mienye, eye mia dometɔ ɖe sia ɖe nye eƒe ŋutinu vovovoawo dometɔ ɖeka.

Ne ŋutinu ɖeka se veve la, mamlɛawo katã sea veve kplii. Nenema ke ne wode bubu wo dometɔ ɖeka ŋu la, bubuawo katã kpɔa dzidzɔ kplii.

Woto Gbɔgbɔ la dzi na ale si woaƒo nu nunyatɔe la ame aɖe. Gbɔgbɔ ma ke nana be ame bubu nyaa ale si wòaƒo nu tso nu si wòdze sii la ŋu, be amewo nate ŋu ase egɔme. Eya kee tsɔa xɔse naa ame aɖe, eye wònaa ŋusẽ ame bubu ya be wòada gbe le ame ŋu. Gbɔgbɔ la kee naa ŋusẽ ame bubu be wòawɔ nukunuwo. Eganaa ŋusẽ ame bubu hã be wòaɖe gbeƒã Mawu ƒe gbedeasi, ke enaa ŋusẽ ame bubu ya be wòanya vovototo le gbɔgbɔ vovovowo dome. Gbɔgbɔ la kee naa ŋusẽ ame bubu be wòagblɔ gbe vovovowo, eye wònaa ŋusẽ ame bubu ya be wòaɖe gbe vovovowo gɔme.

Gbɔgbɔ ɖeka ma koe wɔa dɔ siawo katã, eye wòmaa nunanawo na ame sia ame ɖekaɖekae, abe ale si dze eŋu la ene.

Ewɔ esia bene memama naganɔ ŋutinuawo dome o, ke boŋ be ɖe sia ɖe natsɔ beléle ma ke na nɔvia.

Nunana vovovowo li, ke Gbɔgbɔ ɖeka ma koe naa nuawo. Subɔsubɔdɔ vovovowo li, ke Aƒetɔ ɖeka ma koe míesubɔna. Dɔwɔna ƒomevi geɖewo li, ke Mawu ɖeka ma koe doa ŋusẽ amewo wowɔa wo katã.

Mawu ɖo amewo ɖe hamea me ale: Gbã amedɔdɔawo, evelia Mawu ƒe gbeƒãɖelawo, etɔ̃lia nufialawo; emegbe nukunuwɔlawo, gbedalawo, kpeɖeŋutɔwo, kplɔlawo kple gbe vovovowo gblɔlawo.

Ŋutinu ɖeka mewɔa ame o, ke boŋ ŋutinu geɖewoe le ame blibo la ŋu.

Le go bubu me la, ŋutinu siwo dzéna abe ŋusẽ aɖeke ɖe mele wo ŋu o ene la boŋ ŋudɔ míewɔna wu.

Ne ŋku ɖeɖee nye ameti bliboa la, ale ke wòawɔ ase nu? Ne to ɖeɖee nye ameti bliboa la, ale ke wòawɔ ase nu ƒe ʋeʋẽ? Ke Mawu ɖo ŋutinuawo katã ɖe wo teƒe ɖekaɖeka le ameti la ŋu, abe ale si wòdi la ene. Ne ŋutinu ɖeka dzaa ko nye ameti bliboa katã la, ale ke ameti blibo la anɔ?