Popular Bible Verses from Ghlɔɔmö a ‑nʋa 9

Share

Miɛ nɩɩ, Lagɔ 'kä nɩkpɛ a ngäzɩdlɩ 'pä a dɔ'wʋ, ɔnyɩgäsɛ 'a 'saa ɔ 'yɩbhää 'kɩ 'ɔ ngäzɩdlɩ a za‑a, mɩɩ kää 'nglɩ cuu, ‑maa ɛ'ɛ ‑bhö nɩɩ, sɛɛ nɩkpɛ 'yɩbhää ‑sɩbhä a za, ɛ'ɛ ‑bhö'ɛ 'ɔ nʋnʋlii a za.

Lagɔ a'bhë, sɛ'ɛ ɔ 'nyɛɛ Moyizɩ 'dɩ nɩɩ: ‑Amö Lagɔ, ‑mɔnyɩ ngäzɩdlɩ n ‑kä 'yɩbhä n 'kä pää, ɔ ngäzɩdlɩ n pää, ‑mɔnyɩ dɔ'wʋ n ‑kä 'yɩbhä n 'kä kɛ ‑gää, ɔ dɔ'wʋ n ‑gää kɛɛ.

‑Na'a sɛ ‑n nʋä da'a a za, nza n yɩbhamöä dɛ'ɛ nimï nɩɩ, ‑abhʋa nɩkpa ‑nyɛ Lagɔ 'sɔ a dɔ'wʋ, 'saa ‑a glɩnɩ bhä, a‑a 'kä sa'a ɔ dɛ bhïla nɩɩ, ɔ wɛlɩɩ 'nɩɛ nɛnɩ 'nɩ? ‑Dɔkɔ wa ma‑a, wʋ yi bhä 'wʋ manyɔɔ nimï 'yɩbhä nɩɩ, 'saa bhä n‑n ‑yii sɛ'ɛ ma 'nɩ?

‑Sɩbhä Lagɔ 'nyɔɔ 'dɩ. Nza n gbää nɩɩ, ‑mɔnyɩ ngäzɩdlɩ ɔ yɩbhää ɔ 'kä 'pää, ɔ ngäzɩdlɩ ɔ pää, ‑mɔnyɩ dlɩ ɔ yɩbhää ɔ 'kä 'mö 'tumanɩ, 'mö ɔ 'tumanɩɛ 'mö.

Masɛyinyɔ ‑kä 'ɔ makwëa 'wʋ 'libhïï, 'saa ɔ ‑kä 'yɩbhä 'mö ɔ ma‑a. Ɔ ‑kä ‑balaki 'yɩbhää, 'mö ɔ ma‑a, ɔ ‑kä ‑kokli 'yɩbhää, 'mö ɔ ma‑a.