Popular Bible Verses from Amaköri gha Bhatomu 4

Share

“Obhotoori mbokubhönëka kwo riina re Yesu Kirisito omwene chiri! Retaanyi‑ho eriina erende mo‑se ino rino rekwëndëru ghototoori itu, ne eriina re Yesu eryene chiri!”

Hano bhamariri ghusabha Eryobha, anyumba ino ꞉bhaare bhatëmëëraniire‑mu eghasingisu. Bhoose bhayo bhaghiichoribhu Akörö Ahörëëru, bhaghasëëma kweghi abhaato angʼana e Ryobha kwo bhosubhesubhe.

Ibheere Omutëmi Waryobha, mööhi kinya bhaghototiini, ntoghusabha otusakeri! Otukörë itu abhatamishi bhaacho, kuraghani angʼana yaacho kwo bhosubhesubhe bhoose.

Niwe uno Amandëkö Amatööbhiyu ghakobhugha ighoro yaache kubha, ‘Eriibhohe rino mwangiri inyu abhaabhëki, niryo ribheere eriibhohe ikoro re bhoroso.’

Abhakoro bhayo bhakaroghoora chwee korighi kubha Bheetero na Yohana mbasiikiire kwo bhosubhesubhe, wiiki mbaare bheeche kubha ibho m‑bhaato bha hangʼu hangʼu bhano bhatasömiri. Niho bhakamënya kubha Bheetero na Yohana mbaare haghirohamu na Yesu kwo riibhagha riyo.

Abhakumi bhayo bhoose mbaare bhaghöötiine korwera mo‑metema na mo‑miihëëbhö ghaabho. Taanyi‑ho mooto uno ꞉ighombiire ebheghiro bheeche kubha m‑bhebheeche omwene, amare ꞉mbaaghöötiini ebheghiro bheebho bhyose.