Popular Bible Verses from Amaköri gha Bhatomu 1

Share

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Akabhagharokeri akabhugha, “Emiishe na amabhagha gha mangʼana ghayo, inyu motaakwëndëru ghoghamënya, gho kubha n‑Taata omwene kwo bhotoro bhooche niwe eche nyingake ghakorwera.

Orosiko rumu, hano Yesu atëmëriine haghirohamu na abhatomu bhaache, akabharaghereri akabhugha, “Motaru mo‑moghya o Yerusareemu, mwikare‑mu, mbagha hano mokuhaabhu Akörö ino Taata ꞉abharaghiire inyu, kinya bhuno neere nebhabhooriire. Yohana ꞉naabhatiisiri abhaato kwo manche, amare gho chaasiko insuuhu chino chekuucha, inyu mokubhatiisu gho Körö Ahörëëru.”

Kwo riibhagha re chaasiko miröngö ene achekumara koryoka, akabha ariyëërëkani kwo bhatomu bhaache mara kaaru, kubha bhakumi iwe m‑muhöru. Wiiki akabha arabheeghi amangʼana ighoro e bhutëmi bho Ryobha.

Hano Yesu amariri kobhabhoorera abhatomu bhaache ghayo, bhoose bhaakabha bharamumööhërëri, hayo hayo aghaghëghu ghuye Mwishaaro. Erishaaro rekamobhisa, bhataamorooche wiiki.

Hano bhaare bhagharameriiri mwishaaro, hayo hayo abhaato bhabhere bhakiimeerera haghuhe nabho bhabheekiri amaghööti ameero chayi! Bhakabhabhoorera bhakabhugha, “Inyu abhaato bha Ghariraaya, ngwake mwimeeriire hano ino mugharameriiri Mwishaaro? Yesu uno aghëghuru koru ghokoonyu ghuye Mwishaaro, nakuucha wiiki, kinya bhuno momorooche araghe.”