Popular Bible Verses from YAOGYAW 37

Share

Gaux rhawm ka daux Siyiex awx, phan yuh nan, Nawh tak sang tawx pa grum naog awm pa lo daux rhawm maix khawmuik heue.

Ap pong tokaux maix ka Siyiex awx, yum rhawm ka Nawh Cao awx, phan yuh nan, Nawh tak teem maix heue.

Ot yiien yawg tix sivoe ngai Siyiex mai krox jun ka Nawh Cao awx, paw khi rhawm ka grawng pui pa nieb khin ti yuh ka maix mai pui pa bak ti yuh pa caox pa ang mhawm ka maix.

Yum rhawm ka Siyiex mai yuh ceu pa mhawm heue, ot ka daux meung Nawh mai kaux sijax mukheu ka daux beenli Nawh Cao awx.

Siyiex jhi daux krax pa hu nawh mai Nawh khaw rhawm ka krax pa hu nawh heue. Pui an viang goh kawx, ang awt hoek krax laux leeing, grawh grawng nawh, Siyiex tok taix nawh heue.

Nawh Cao kieh pa rahsee maix toh awm pa riang mai kieh pa rahsee pa yuh maix jhan riang awm yam jung singaix heue.

Paw kieh song rhawm, tik ka ceu pa song rhawm, paw kieh rhawm maix koe krax lud heue.

Jah tom yam awn ju aux, tom hoek yam kuad aux, ang sax yaox tik Maix ka pui pa rahsee mai kawn praix kix pa caung ti ih ang koe.

Paw khi rhawm ka cao tix kheu pui caox, paw lai ghoing ka grawng pa yuh pui pa ang rahsee.