Popular Bible Verses from Jem 5

Share

Ane, mbə̀ bḛ ìmbən inug tibɔ̀ŋ abə mə̀mbin bə̀ chàʼra Ŋwiye gha wì ghuyə bəd ne ghɔ̰̀. Ichaʼri Ŋwiye ìwi wə̀d ne təmi kòʼ ya bèrè ika bə̀ fàʼà inug kwàʼ icheg chɔm.

Wə̀d mɔ̀ʼɔ abɔ̀ʼ inən we wa inga ngəʼ? Tengàŋ chàʼra Ŋwiye. Wə̀d mɔ̀ʼɔ abɔ̀ʼ inən we wa gyènde? Tengàŋ zəʼə tikyeg ghùmni Ŋwiye.

Bəd mə̀ chàʼra Ŋwiye tì ibḛfiŋ, Ŋwiye biri ghù wə̀d ne ghɔ̰̀. Anɔŋisəg biri ghì tengàŋ nɔʼ igun abaʼ aghɔn. Àmə yaʼ aghi ne wì ya gùghi anug mɔ̀ʼɔ, Ŋwiye biri waʼ inug tibɔ̀ŋ məd.

Wə̀d mɔ̀ʼɔ abɔ̀ʼ inən we wa ghɔ̰̀? Tengàŋ kara itog bəd inga ifeti bəd Kristo mbe yeʼe chàʼra Ŋwiye igun məd, zɔʼ aməd inga məwud ane ikum Anɔŋisəg.

Mbə̀ wendi gha, wə̀d ne wèti wə̀d ne fèbè, wì biri chì aməd ichug iwu. Ane, Ŋwiye biri waʼ inug tibɔ̀ŋ nɔʼ nɔʼ abə wə̀d we ne kə̀ febe.