Popular Bible Verses from 1 Pità 3

Share

Si ya gha, mbə̀ ghumni Kristo ane fìŋ ifibì. Məd ya Anɔŋisəg. Mbə̀ chuʼri ìwən nyɔd kyèri gha, mà nyumə̀ ijìm ne mbi biri aton ane ikɔndi we ne mbə̀ beri imbə̀ʼ isu, mbə̰ biri bèrì iywitichùg ni nàʼ. Anug ne angu ya gha, mbə̀ ywite ichug ane àbɔrɔ̀bɔd tì ighumni. Mbə̀ ghiyə ìtən fìŋ yaʼ ti zḛ zḛ ni gha bəd mbe ne ghàmbà awən imbə̀ʼ ìwən ikuchèg chɔm icheg ne mbə̀ yaʼi ane ifɔti tì Kristo, mbi biri si bèrì tìnìrètog.

Tesiʼ ya gha, aghə àzi Anɔŋisəg ze chə̀ʼə̀ bəd mbe ne təmi kòʼ. Məd we bə̀ nɔ̀ŋɔ̀ àtɔ̀ŋi ni zug inug ne mbɔb mbe chàʼrà Ŋwiye ghà. Àsi bəd ne ghìyə̀ inug tìbɔŋ, Anɔŋisəg ya gàŋa tì inɔb”.

Imbə̀ʼ mbə̰ ghiyə awən ngwèn məyi igun nyɔd; icheg ni tangi atog kə̀ ni zì ndəŋ fɔrɔ ighi àtɔ̀ŋi gol, kə̀ ni zì ndwi chɔm chɔm. Mbə̀ ghiyə ìzən ngwèn zì yaʼ anug ni nɔ̀ŋì ìtən fìŋ te zen bə̀ ya bɔ̀tɔ, bə̀ chùghi inyeʼ. Aŋa ya ikuchèg ne mbə̰ mə fə bèrì bə̀ nyìmi ze biri taŋ bɔ̀ŋ imbìghè abə Ŋwiye.

A ze inga Àŋwàʼrì Ŋwiye gha, “Wə̀d ne kɔ̀ŋi ni bèrì ìtḛ̀, bə̀ chùghi icheg chɔm, tàndì igun isəg, tengàŋ mənyìʼ chì ìwi ichug ane ìngam tìbɔŋ, bə̀ chì ìwi ichug ane inug ako. Tengàŋ mənyìʼ to̰ inug tìbɔŋ, se fàʼà inug chɔm. Wì mənyìʼ ya kìrə ika ni chughi ane àbɔrɔ̀bɔd tì wə̀d ijìm.

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin. Imbə̀ʼ mbə̰ si ywìye awən anug tibɔ̀ŋ igun anug tibɔ̀ŋ, kə̀ zɔ̀mbì wə̀d ne zɔmbi awən. Wə̀d mə ghì anug tìbɔŋ inən, mbə̀ ghiyə yaʼ anug chɔm abə tengàŋ. Wə̀d mə zì ndɔ̀n igun inən, mbə̀ ziye yaʼ àbɔrɔ̀bɔd igun tengàŋ. Àbɔrɔ̀bɔd ya aghi ne Ŋwiye ya kàʼi ni nàʼ inən anyumə̀ ne wì ya kàri awən.

Wə̀d ne biri zì anə igun ine ne àghò we zìyè atog ni ghì inug chɔm àkə we?

Tengàŋ mənyìʼ to̰ inug tìbɔŋ, se fàʼà inug chɔm. Wì mənyìʼ ya kìrə ika ni chughi ane àbɔrɔ̀bɔd tì wə̀d ijìm.

Àmə yaʼ aghi ne Ŋwiye kə̀bi, nji ze bɔ̀ŋ ni zən ngəʼ imbə̀ʼ anug chɔm, chè ni zən ngəʼ imbə̀ʼ anug tìbɔŋ ne àghò ghi.