Popular Bible Verses from Ròmànì 8

Share

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

Imba nà hwi kɔ̀yi-kɔ̀yi nanù ema ò rza enje tɔ̀ yòma ema è tànɛyi lì jò kakòhwà nà è ndìŋgɛ ema Krirztò à jò hwɛ̀nèlì. Ŋga kpelì, ŋga lòŋgɛ. Ŋga i aŋgèlì, ŋga hwàkànèlì, nà iŋginyà ema i hwèlì ò ŋmanyu yà lohwà. Ŋga ò ene hvònda ema i hwèlì naŋgɛ, ŋga ò è hvònda ema è ò jɛ̀ɛ̀ e? Ŋga iŋginyà ja ŋmanyu, ŋga è jà è rze yà mɔ̀nyɛ̀, ò rza enje tɔ̀ eyà ò ìtììtènì yà ewèkelì è arzɛ ema è tànɛyi lì wùùlɛ̀ è ndìŋgɛ ema Lohwɛ̀ à jò hwɛ̀nèlì lì akeyà nà Yerzù Krirztò, è Rzàŋgò ya arzu.

Nànù mɛnɛ hvɛ ndi Èlìŋgɛ̀ ya ama Lohwɛ̀ e jò òŋgòwànà e hwèlì tɛ ema i rza imbami tɛ. I rza hwi nɛ ja àŋgàmɛ̀nɛ̀yi lì kanɛ̀, ndi Èlìŋgɛ̀ yɔ yiti mɛnɛ ndi e jò kanɛ̀lɛ̀lɛ̀ na lì ɔnyɔ ema lì akayi tɔ̀ mamɛ ema e wàna e wurzirzɛ.

Jò ɔ̀ŋgɔ tɛ hwenè hweyà hwe arzɛ ò tenì, mamɛ i tànɛyi ò lì òhwa e? È hwèlì tɛ ema Lohwɛ̀ a hwèlì na irzɔ, njɛ̀nɛ a tànɛyi lì jò teŋgɛ̀nɛ̀ e?

O nàŋgɛ, Lohwɛ̀ a rza tùulɛ̀ mòtò ema a hwèlì na Yerzù Krirztò ŋmàŋgò.

Mòtò a ika tɛ ŋmèma mò eni ò hwema hwe e nyàmà nyò nanù òma a hwɛni lì ŋwa. Ndi mòtò a ika tɛ ŋmèma mò eni ò hweyà hwe Èlìŋgɛ̀ nanù òma Lohwɛ̀ a mò ŋgba lòŋgɛ la gbìndèyà na ɛ̀yɔ̀lɛ̀.

Jàyɛ̀, ò hwenè hweyà hwe arzɛ irzɔ i rzùù hvɔ̀mbɔ̀wɔ̀ lì akeyà nà Krirztò mɔ̀ ema à jò lìŋgàni, ndèŋgànɛlɛ à jò òŋgòwànà.

Imba na ɛni nanù ema mètàkà ema jò ò luwa nàŋgɛ me rza enje tɔ̀ eyà nàa èluhwe ema hwa ò jò uŋmɛ̀lɛ̀hwɛ ò e hvònda ema e ò jɛ̀ɛ̀.

Njɛnɛ rzɔ à tànɛyi lì jò kakòhwà nà è ndìŋgɛ ema Krirztò à jò hwɛ̀nèlì e? È hwèlì ndi hweyà ema hwè jò ambani e? Ŋga indùtù e? Tɔ̀ lìtakìrzɛ̀ ema hwatò hwa jò tàkirzɛ̀ e? È hwèlì ndi e njàwò, ŋga nà òma i rza òhvɛ mààtù mà lì wɔtɔ̀ e? Ŋga è hwèlì ndi wòhwe ema hwatò hwa jò lùtaneyà, tɔ̀ nà òma hwatò hwa arza lì jò òŋwa e?

Lohwɛ̀ ema a ɛnɛ e tenì ya mèèmà me arzu, ndèŋgàna hvɛ a hwi màlùtèyà ma Èlìŋgɛ̀ èhwanja Èlìŋgɛ̀ e hwèlì e kanɛ̀lɛ̀lɛ̀ mèèmà me hwatò nyayi ema Lohwɛ̀ a àrzeyà.

Eyà ema e hwèlì e hwèlì ndi nanù ema hwatò hwa arzɛ ema Èlìŋgɛ̀ ya ama Lohwɛ̀ e timba, hwa hwèlì ndi hwàanà hwa ama Lohwɛ̀.

Hwàŋga hwatò ema hwa lìya lòŋgɛ na òma e nyàmà ya nyò ya arza, hwa ika ndi mèèmà me awu ò hwèèmà hwe e nyò ya e mòtò wa hwènàmà. Ndi hwatò ema hwa gbeyà hweyà na òma Èlìŋgɛ̀ yà ama Lohwɛ̀ e òhwa, hwa ika ndi mèèmà me awu ò Èlìŋgɛ̀ ya ama Lohwɛ̀.

Jàyɛ̀, na òma Lohwɛ̀ a rzi utɛ tɔ̀ Ŋmanà wa eni. A ma mò wòwa rzìi a mò ŋgbà ema a jò ŋwèeyà. Èŋge ŋgàna e hwèlì ndi nanù ema mɔ̀ à rza ò jò ŋgba hvɛ tɔ̀ mamɛ ema i mò ijòwi e?

Èlìŋgɛ̀ ya ama Lohwɛ̀ e ma jò gbeyà ò lì hwiya ò mèèmà me arzu nanù ema i hwèlì ndi hwàanà hwa ama Lohwɛ̀. Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

È hwèlì tɛ nanù ema hwèèmà hwe e nyàmà nyò hwe kànèyà tɛ mòtò, òŋgò mòtò a kɔ Lohwɛ̀ ihvònda ja arzɛ èhwanja a rzi ika imbenda ja ama Lohwɛ̀, ndèŋgànɛlɛ a rza ò tànɛyi lì jò òŋgama.

Hweema hwe arzɛ ema Lohwɛ̀ a wèki ò rze ya mɔ̀nyɛ̀ hwe hwèlì lì ambɛ̀lɛ̀ na nyɔ̀ŋgi ndɛnɛ ò lì ɛnɛ na òma Lohwɛ̀ a ò uŋmɛ̀lɛ̀ hwàna hwa eni, a ò gbeyà eŋge na èluhwe ya eni ya arzɛ.

Èhwanja irzɔ i hwi nanù ema natɛ̀ɛ na ene hvònda ya nàŋgɛ, ewèkèlì ya arzɛ e ɔnyɔ na mòrziyò ema mò hwèlì ndi nàa mòrziyò mò lìyalì.