Popular Bible Verses from Ròmànì 7

Share

Nà èki Lohwɛ̀. A nò rzùŋgi lòŋgɛ la ami lì akeyà na Ŋmanà wa eni Yerzù Krirztò e Rzàŋgò ya arzu. O èŋgànɛ̀lɛ̀ rzɔ imba mbiti na hwèlì hwèhvàrzù hwehwakɛ, ŋmèma mò ami mò nò òhweyà ò lì òŋgama e mbenda ya ama Lohwɛ̀ ndi e nyò ya ami ya mòtò wa hwènàmà e òŋgama ndi wòhwe ema wò hwèlì ò tenì ya ami.

Imba na hwi nanù ema ò rza ènje tɔ̀ eyà yɔ̀kɔ ya gbamù ò tenì ya ami. Ŋmèma mò e mòtò wa hwènàmà mòŋgò ema na hwɛni. Tɔ̀ nɛ na hwɛni ŋmèma mò lì gbeyà eyà ya gbamù ndi na rza tanɛ lì e gbeyà.

Imba rzɔ nà rza gbeyà gbààmù ema na àrza lì gbeyà ndi eyà ya wòhwe ema na rzà lìŋgànɛ lì gbeyà yɔ ndi na gbeyà.

Nà gbèyi rzɔ tɛ mamɛ ema na rza lìŋgànɛ lì gbeyà rzeketɛ imba ndi nà e gbeyà ndi wòhwe ema wò lìya ò tenì yà ami wɔ̀ ndi wò nò kɔ̀mɛ̀lɛ̀ ò lì e gbeyà.

O èŋgànɛ̀lɛ̀ rzɔ, nà mà ayembɛ nanù ema ò hwèlì mbenda ema e nò kànèyà. Tɔ̀ ima hvònda ema na arza lì gbeyà eyà ya gbamù, wòhwe ndi wò akɛlɛ lì jà ò ŋmèma mò ami. O tenì ya ŋmèma mò ami, e mbenda ya ama Lohwɛ̀ yɔ ndi imba na lìŋgàni lì nɔŋgɔ ihvònda ja arzɛ.

Nàŋgɛ ema na gbeyà hweyà ema na rzà arza lì gbeyà, e uŋmɛ̀lɛ̀ nanù ema, nà mà emeyà nanù ema e mbenda e lɔ̀wu.