Popular Bible Verses from Ròmànì 6

Share

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

O èŋgànɛ̀lɛ̀ e rza hwɛnì lì hwɛmɛ wòhwe wò e kànèyà, èhwanja e rza lìya ò rze ya e mbenda ndi e hwèlì ndi ò rze ya e ndèli ya ama Lohwɛ̀.

Lìlùhwìrzɛ̀ ema i ma luwe, lì uŋmɛ̀lɛ̀ nanù ema irzɔ i ma ŋwa rzi ji imawɛlɛhwɛ na mɔ̀. Ène eyà e ma gbèyɛ̀nɛ ndi nanù, aŋga nanù i luwa ɛ̀ɛ̀mɛ̀ e hvènya. Ène e hwèlì ndi na òma e Tatɛ̀ e ma tɛmirzɛ Krirztò ò lòŋgɛ lì hvènya.

È rzi inyɛ tɔ̀ èhvàrzù yɔ̀kɔ ya anyu ya enama ya nyò e gbeyànɛhwɛ nàa ɛ̀ɛkɛ̀ ò lì gbeyàna wòhwe. Ndi e aŋgbɛ inyɔ hwìti ò ma Lohwɛ̀ nàa hwatò ema hwa hvɔ̀ɔtɔ̀wi ò kpelì rzìi hwa ŋgbàhwi lòŋgɛ lì hvènya. È ŋgbe inyò ja anyu ja arzɛ ò ma Lohwɛ̀ aŋga nanù, mɔ̀ à e gbeyàna ò lì gbeyà hweyà ema hwe hvòmɛ̀nɛ̀yi ò wòrzò wò ama Lohwɛ̀.

Irzɔ i hwi nanù ema na òma hwà mà wòmeyà Krirztò ò mbarza hwà mà mò wòmeyà na ɛ̀ɛ̀mɛ̀ ya mòlòmɛ̀ ema i ma òhve. Ène e ma gbèyɛ̀nɛ ndi nanù aŋga nanù e ŋginyà ya eŋge ɛ̀ɛ̀mɛ̀ ya mòlòmɛ̀ ema e ma hwɛ lì jò gbèeyà ò lì gbeyà wòhwe e hwɛni lì hvaŋgahwa ya arzɛ ya arzɛ. Ène eyà e gbeyà nanù ema wòhwe wò rza jò wòwa hvɛ nàa hwàkòmì.

Ŋgàna hvɔ̀kɔ hvɛ mɛnɛ inyɔ e hwɛni ndi lì a ɛnɛ inyɔ hwiti hvɛ nàa hwàtò ema hwà mà ŋwɛɛ, aŋga nanù wòhwe wò rza hwɛni lì e kànèyà hvɛ. Ndèŋgana e àŋgàmɛ̀nɛ̀ ndi ò lì a ɛnɛ inyɔ hwiti hvɛ na hwàtò ema hwa hwèlì ò lòŋgɛ na Lohwɛ̀ ò lì akeyà na Yerzù Krirztò.

Mamɛ i tànɛyi lì òhwa nàŋgɛ e? I hwɛni ndi lì eleyà ò wòhwe aŋga nanù e ndèli ya ama Lohwɛ̀ e ahwatɛ e? Jàyɛ̀ rzeketɛ nanù. Ì ma màa lì ŋwa ò èŋgànɛ̀lɛ̀ rzɔ i rza hwɛni hvɛ tɔ̀ eyà ò lì gbeyàna wòhwe hvɛ. Mamɛ ndeŋgatɛ je eleyà ò lì gbeyà wòhwe e?

Ò jɔ̀kɛ̀ e hwɛni lì hwiya nanù ema, mòtò aŋgbɛ tɛ mɔ̀ ŋmìti nàa mòkòmè ò rze ya òhvɛhvɛ mòtò, ò lì gbeyà tɔ̀ ima lìtumba la eyà ema òŋgò mòtò à mà òhwèlì ò lì gbeyà, nanù òma mɔ̀ à hwèlì ndi e mòkòmì wa ama òŋgò mòtò e? Hwàtò ema hwà mà aŋgbɛ wɔ̀ hwiti ò lì gbeyà hweyà hwe wòhwe, mamɛ ema hwa luwa, e hwèlì ndi e kpelì. Ndi e mòtò ema a aŋgbɛ mɔ̀ ŋmìti ò lì gbeyà na òma Lohwɛ̀ a àrzeyà, a hwèlì ndi mòtò ema a gbeyà hweyà ema hwe hvòmɛ̀nɛ̀yi ò wòrzò wò ama Lohwɛ̀.

Ndi jèka i hwɛ nà Lohwɛ̀. Èhwanja tɔ̀ nɛ ò hvònda hvɔ̀kɔ e ma hwɛ hwàkòmì ò rze ya wòhwe, ndi ò naŋgɛ e òŋgama e jɔ̀kɛ̀ ya hweyà hwe arzɛ ema hwà mà e òkòlɛ na ŋmèma mɔ̀kɔ. Nàŋgɛ ema Lohwɛ̀ à mà e ulɛ ò tenì yà è ŋginyà yà wòhwe, e ma jà ndi hwàkòmè ò lì gbèeyà mamɛ ema Lohwɛ̀ a arza.