Popular Bible Verses from Ròmànì 2

Share

Ndi ò wa mbunda ami, ò gbeyà tɛ ndi hwèŋge hweyà mɛnɛ ema hwe gbeyà ò kàyìrzɛ̀ hwahvɛhvɛ hwatò ò ɔ̀ŋgɛ̀lɛ̀yi nanù ema ò tànɛyi ò wàŋga lì anjiya ò hwèkàyìrzèlèlì hwe ama Lohwɛ̀ e? Ŋgà na òma Lohwɛ̀ a hwɛnì ŋmèma mò gbamù rzayi-rzayi rzi a e ŋgbelì hvɛ mɔ̀ɔ̀lì ema mò wawi rzayi-rzayi, rzi a e àjùlɛ̀nɛ̀, inyɔ e rze e wò nàa tɔ̀ eyà. È hwɛni lì hwiya nanù ema ŋmèma mò gbamu ema Lohwɛ̀ à è hwɛnelì mò hwèlì ndi nanù ema a e ŋgbee hvònda ema e tikòhwè hwɛ̀ɛ̀mɛ̀ hwe anyu hwe wòhwe ndɛnɛ wò ama Lohwɛ̀.

O èŋgànɛ̀lɛ̀ rzɔ, tɔ̀ ima mɔ̀ hwa anyu ema a kàyìrzɛ̀ɛ hwahvɛhvɛ hwatò, tɔ̀ ò hwɛ ndi njɛnɛ, ò rza òhvì tɔ̀ lìtìŋga ema ò rza lùhwànà lì làkìrzɛ̀. Èhwanja ò kàyìrzɛ̀ tɛ hwahvɛhvɛ hwatò, rzìi ò wà witi ò hwɛ ndi ò lì gbèeyà hwèŋge hweyà ema ò hwa kàyìrzɛ̀, nanù òma ò wa hvɛ ò a tùulɛ̀ ŋmàŋgò.

È hwi nanù ema Lohwɛ̀ a rza gbeyà ndandò.

Rzeketɛ ò lì hweyà e mbenda yɔ ndi e gbèeyà hwatò hwa tɛ̀mɛ̀ ehve-ehve na Lohwɛ̀, ndi ò lì gbèeyà mamɛ ema e mbenda e arza yɔ ndi e gbeyà hwatò hwa tɛ̀mɛ̀ ehve-ehve ò wòrzò wò ama Lohwɛ̀.

Lohwɛ̀ a ò rzaweyà tɔ̀ ima mòtò lì hvòmɛ̀nɛ̀ èwòlò ema tɔ̀ ima mòtò a gbèyi.

Hwahvɛhvɛ hwatò hwa hwèlì ikuka ndèŋgànɛ̀lɛ̀ hwa rza gbeyà hweyà hwe jɔ̀kɛ̀, wɔ hwa gbeyà ndi hweyà hwe wòhwe. Inì nyayi ja hwatò Lohwɛ̀ a ò hwa uŋmɛ̀lɛ̀ hwètàtò hwe eni ò lì hwa kɔ̀kìrzɛ̀.

Ndi ò wa ò òhvi ŋmèma ema mò eti ndèŋgàna ò rza arza lì timbeya Lohwɛ̀, ò eŋgànɛ̀lɛ̀ ò a òmbɛlɛlɛ ndi ò wà witi ò è kɔ̀kìrzɛ̀ ya ama Lohwɛ̀. À è kɔ̀kìrzɛ̀ ò Wùnyà wò hwèkàyìrzèlì. O wòŋgò Wùnyà, Lohwɛ̀ a ò uŋmɛ̀lɛ̀ hwetàtò wa eni, ndèŋgànɛ̀lɛ̀ mɔ̀ à uŋmɛ̀lɛ̀ nanù ema hwèkàyìrzèlì hwe eni hwe hvòmɛ̀nɛ̀yi.