Popular Bible Verses from Fapea Korin 1

Share

Tahati mala cheke fakelini God nei Kmagna noda Lord Jisas Kraes! Mae ihei te kokhonidi nei tarabana mala toghodi teu naikno te gnafare. Mana togho ghami ghehati ka thua hoholo, mala nabami te toghodi keha naiknore te au ka thua hoholo, jateula God te togho ghami ghehati gne eghu.

Ghehati au papara ka kmana puhi jateula Kraes eghu, eghuteuna God neke tusu ranghi ghami nogna thotogho biꞌo fara eigna ghehati nogna Kraes.

Kheraguro, ghehati magnahaghe ghami ghotilo te lase fakelini eigna unha teke eni ranghi ghami ka Provins Esia. U puhi igre ninhigrana fara ranghi ghami ghehati. Tutuani fara, ghehati neke cheke eghu fari themi, “Tahati gne namo lehehi!” Nu puhi te eni igne theome mala rouronu ghami themi, nu mala rouronuni God ngala ihei te fakarha fapulodi iheire tela lehehira.

God thegna te togho ghami ghotilo nei togho ghami ghehati teu te mala au rheta noda fatutuani na ka Kraes. God thegna neke vahi ghita mala nogna naikno mana. Mana neke lilisei nogna fagaglana na ka tahati mala laseni te nogna mana na. Eghuteuna lilisei ke lamnada nogna Tharunga te Blahi na mala laseni nogna nhaꞌa cheke mana re ginauna mei tutuani ka tahati.

Eghuteuna God togho ghami ghehati kate au papara eimi ghotilo na. Kate togho ghami ghehati God na, mana jaola farerheta ghami nei togho ghami ghotilo mala hatini u thofno karha na, neuba ghotilo ne papara jateula te eni ghehati gognaro gne neu.