Popular Bible Verses from Efesios 6

Share

Ẽbẽrarã ome chĩo panuuwãema. Maumaarã jai kachiruarã nau iujãa pãriud̶ebenarã ómeburu chĩo panuu. Maarã dachiba unud̶akau chi mechiu nureerãbʉ, chi ʉtarebena jai kachiruarã karrarãbʉ.

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Chi kokoroaba ichi ʉ̃rʉ chaarea b̶uu jʉ̃barii Dachi Akõreba machimaa dead̶a jʉ̃́sturu, machi chaarea nuread̶ai baita, jʉbawãe niiba setaa kũruarãamera.

Maud̶eeba chi kokoroaba ichi ʉ̃rʉ chaarea b̶uu jʉ̃barii Dachi Akõreba machimaa dead̶a jʉ̃́sturu. Maka jʉbawãe niiba kachiruad̶e b̶aebii chaaruud̶e machi poyaa dauchia jãadua panad̶ai. Poyaad̶aped̶a ãrea chaarea nuread̶ai.

Mau awara ne jomad̶e Cristod̶e ijãa panásturu, kokoroaba ichi juad̶e adaubarii ad̶u mirubarii kĩra. Jʉbawãe niiba kachiruad̶e b̶aebii chaaruud̶e, enadrʉma aoko b̶uuba drʉʉruu kĩra b̶uu. Maamina machiba Cristod̶e ijãa panuubʉrã, dauchia jãadua panad̶ai chi juad̶e adaubarii ad̶u mirubariiba chi enadrʉma kid̶a aoko b̶uu kiibibarii kĩra. Maud̶e sõd̶eeba ãrea kuitásturu Dachi Akõreba machi biawãra karibasii, kokoroaba ichi borod̶e chaarea b̶uu jʉ̃barii kĩra. Mau awara Dachi Akõre bed̶ea ichi Jaurid̶eeba ãrea kuitásturu. Dachi Akõre bed̶ea espada kĩra b̶uu, kachirua ome poyaabariid̶eeba.

Maud̶eeba biawãra bed̶ea ijãa panuud̶eeba chaarea nureásturu, kokoroaba kʉrrd̶e jʉ̃barii jʉ̃ b̶uu kĩra. Jipa nibásturu kachiruad̶e b̶aebiarãad̶amera, kokoroaba ichi kakuad̶e chaarea b̶uu jʉ̃barii kĩra. Chi bed̶ea bia Dachi Akõre ome biꞌia b̶uai ʉ̃rʉbena jarad̶e wãd̶ai baita nureásturu, kokoroaba chĩod̶e wãi baita ichi jʉ̃rʉd̶e jʉ̃barii kĩra.

Mau awara ãbarã, Dachi Mechiu ãrea poyaabarii b̶uud̶eeba chaarea nureásturu.

Moisesba b̶ʉd̶ad̶e naka jara b̶uu: «Machi akõre maud̶e machi nawe wapea panásturu». Dachi Akõreba naed̶e naka aid̶ai a b̶uasii: Maka wauduubʉrã, «Machi nau druad̶e ewari ãrea biꞌia duanad̶ai».

Warrarã, machi akõrerã bed̶ea ũribaba ũrísturu Dachi Mechiuba kʉ̃ria b̶uu kĩra, maka jipa b̶uud̶eeba.