Popular Bible Verses from Zaarettido Wogaa 6

Share

Neeni GODAA ne Xoossaa ne kumetta wozanaappe, ne kumetta shemppuwaappenne ne kumetta wolqqaappe siiqa.

Eta neeni ne naata tamaarissa; neeni ne son uttiyo wode, ogiyan hemettiyo wode, zin77iyo wodenne denddiyo wode etabaa haasaya.

Hachchi taani nena azaziyo ha azazota ne wozanan wotta.

“Nenoo Israa7eelaa, siya; GODAI nu Xoossai issi GODAA.

Malaata oottada ne kushiyan eta qachcha; qassi ne som77uwankka malaatadan wotta.

Ne penggiyaa qosilettaa bollaaninne ne dirssaa penggiyaa bollan neeni eta xaafa.

GODAAYYO, intte Xoossaayyo, yayyite; a xallaayyo goinnite; a sunttankka caaqqite.

“GODAI intte Xoossai intteyyo immana giidi intte aawatuyyo, Abrahaamayyo, Yisaaqayyoonne Yaaqoobayyo caaqqido, intte keexxibeenna gitanne lo77o katamati kumido biittaa immana. Intte kunttibeenna duretai kumido keettata, intte bookkibeenna ollata, intte tokkibeenna woinetanne zaitiyaa wogarata intteyyo immiyo wode, inttekka miidi kallido wode, inttena Gibxxeppe, ailletettaa biittaappe kessida GODAA dogennaadan naagettite.

“Intte laattanau biyo biittan intte oottanaadan taani inttena tamaarissana mala, GODAI intte Xoossai tana azazido azazoti awaajotinne higgeti hageeta. Intte laittai adussa gidana mala, intte, intte naatinne intte naatu naatikka taani hachchi inttena azaziyo GODAA awaajuwaanne higgiyaa naagiyoogan intte laittan ubban GODAASSI, intte Xoossaassi yayyite.

Intteyyo ubbabai lo77o gidana mala, GODAA sinttan intte likkebaanne lo77obaa oottite. Yaatikko, intteyyo immanau GODAI intte aawatuyyo caaqqido, he lo77o biittaa intte laattana.

Aissi giikko, intte giddon de7iya GODAI intte Xoossai qanaatiya Xoossa; a hanqqoi intte bollan eexxi kiyana; i inttena biittaa bollappekka quccidi xaissana.

Intte yuushuwan de7iya asai goinniyo hara xoossatuyyo goinnoppite.

“Masaahan intte a paaccidoogaadan, GODAA intte Xoossaa paaccoppite.