Popular Bible Verses from UMI QORONTOOSI 15

Share

Kunnira ki'ne ayirradda roduuwa'ya, Mootichaho soqqantinanni daafurtinoonni daafuri mullawa gatannokkita affinoonnina, Mootichu looso wo'manka woyite agurtinikkinni kaajjitine loosate hixamanye!

Mootichinke Yesuusi Kiristoosi widoonni qeelle uyinonke Maganira galatu iillosi.

So'rantinoonte! Bushu jaaloomi dancha amanyoote hunanno.

Ikkollana Maganu eltonni xa noommo gedeeha ikkoommo. Uyinoe elto mullawa digattino. Insa baalunkunni roore daafure loosoommo. Ikkollana, konne duucha assitinoti, Maganu eltooti ikkinnina ane di"ikkoommo.

Tee reyo, qeellekki hiikko no? Tee reyo, gawajjattati wolqakki hiikko no?» yine borreessinoonni coyi wo'manno. Reyote urde cubboho; cubbu wolqano seeraho.

Mitto go'le noo halaale kuleemmo'nena macciishshe: Ninke baalunku direyineemmo; goofimarchu xurumba ufuunfanni woyite, baalunku mitte hinge illete lipheessi giddo soorrammeemmo. Xurumba ufuunfanni woyite, reyitinori ba"annokki biso uddidhe ka'anno. Ninkeno soorrammeemmo.

Reyo dagginohu mittu manchi Addaami widoonni ikkitinonte gede, reyotenni ka"ano dagginohu mittu manchi Kiristoosi widoonniiti. Addaaminni kainohunni mannu baalu reyannonte gede, Kiristoosi widoonni mannu baalu heeshsho afi'ranno.

Ba"annohu ba"annokkiha uddi'ranno; reyannohu reyannokkiha uddi'ranno.

Maganu baarigaarrasi baala angasira qola geeshsha, Kiristoosi mooha hasiissanno. Goofimarchoho ba"anno diini reyote.