Popular Bible Verses from Bwøth Wøk 2

Share

Køøre Jwøk cooyø marge awïnynye; ni ö Jwøki ni par wïïe ki luumme na tuude ki Eeberam, ki Aydhak, ki Jeekap. Ni ö Jwøki ni joot bëëtö mana teek na beet nyïïkwaac Icriel; ni ö Jwøki ni cäde kiperge.

'Ba na tïme na køør cwiiri mo thööth, nyeya mar Ijep athøw. Ni ö nyïïkwaac Icrielli ni coocge kiper bëët laŋ mana en bäätge, ni gööge ko oduuru; ni ö oduuru mana gøøcge kiper køny kiper bëët laŋ marge ni pïïe maal baŋ Jwøk.

Ni ö nyilaalli ni rïënne, ni ö nyijøøgø ni kïth nyilaal baŋ nyi Peerø, ni tïme na wääde. Ni cak nyeŋ gø ni Modhe, ni kööe, ni «Tiere beeye kiper mana lääma gø wøk ki yïth pïï.»

Køøre nyi Peerø aköö jï nyijøøgø, ni «Lwør nyilaal man ni aayï ki gø ni dhwøthï gø jïra. 'Ba aani, ïïno mooa ki jammi na kar tïïc marï.» Ni ö nyijøøgø ni lwør nyilaal ni aae ki gø, ni bëëde ni dhwøtha gø.

Køøre nyi Peerø aö naam kuna lwöŋŋe, ni ö nyïïakuue moa näk jø tïïc moe ni cääthge bäät ageela. Ni ö nyi Peerø ni joot gïna näk caala luul yo otöök, ni jääŋ ŋat tïïc mare baŋ gø, ni ö nyaanøgø ni cøøe ni käl gø.

'Ba dïcäŋ aciel, kanya tïme ni Modhe oløny ni dwøŋ, ena laŋ wøk baŋ tuuŋge, ni joot tïïc marge ni teek døc; ni joot ŋat Ibaru aciel na näk tuuŋge ni pwöt ŋat Ijepi pwödö. Køøre ena lwïthö kun ki kun; 'ba kanya joot gø ni bäŋ dhaanhø, eni ŋat Ijep anääe ni kan gø ya akwöö.