Popular Bible Verses from Bwøth Wøk 10

Share

Køøre Wuuö Jwøk aköö jï Modhe, ni «Ci baŋ Peerø, kiper cwïnye ki cwïny jø kööre moe døøya aani mo teek, kiper nee ŋïïce moi na 'moa ii nee tïïa dïge; kiper nee ïïni na Modhe en nee teeŋ gïïa leth na tïïa dëët jø Ijep ki teeŋ ŋïïce moa tïïa dïge, nee caanï jï wäätï ki nyïïkwaayï, ni putu gø ŋäc møn ni beeye aani na Wuuö Jwøk.»

Køøre Wuuö Jwøk aköö jï Modhe, ni «Tïŋ cerï maal, kiper nee tïme ni da muudhö bäät ŋööm Ijep, na muudhö mo cøl døc.» Køøre Modhe cere atïŋ maal, ni tïme ni da muudhö mo cøl døc dï ŋööm Ijep bäre ki nïne adäk; ni tïme ni ba løny jï ŋati man nø ki man neen wati, ni bëëtge piny ki nïne adäk ni bäŋ ŋat mo paany dëëre kare. 'Ba jø Icriel bëët kanya enge yie keere da tar.

Køøre Modhe athøra mare arwiee bäät ŋööm Ijep, ni ö Wuuö Jwøki ni wëëk jamø kwönnö ki jï løø kur tuul-cäŋ bäät ŋööm Ijep dïcäŋeca bäre ki di wäänöca bäre. 'Ba na tïme na amöölla, jam wø ööi ki jï løø kur tuul-cäŋ lwaa bäänyö akööle. Ni ö lwaa bäänyö ni tïme ni ena bäät ŋööm Ijep, ni pïge piny dï ŋööm Ijep bäre ni ge thööth døc; ni poot bäŋ teeŋ bäänyö mo päl mo caala manøgø cøøn. 'Ba këël yi nyïme thuwø bäŋ teeŋ bäänyö mo caala manøgø mo cäŋa öö.