Popular Bible Verses from ROMA 5

Share

Ogwe, nir maduk ekwi akla werek kigik, Ar Kristus nen, ninake wartagage eti paga, Ar Allah nen ninakba karige mende eti kenam agage o.

Nir oba mbektek agorik mende eti, dek arigin dek o. Allah nen nir ninilitimo, Ar Iliti ninaba karige mende eti kunogo birigemo, Ar Allah nen Roh Allah wokneragage paga, ninom kunogo binaninggige mo o.

Nen anggin panggin ninoba wuka kalok, niniliti adeknggen paga waganggu dogowok o. Nenaluk, anggin panggin ninoba wuragin eti paga, kunik kanik erurak erninabigin o. Nen akuni kunik kanik erir lagwi eti paga, maduk eru erinaka kigik wogalek dogogun o; nen wene ebe yi paga nen, ninakla mbektek mondok dogorak eti kenam arigin o.

Nir ebebar andarugu paga, Allah ninom wim mbalek mende dambulinakige o. Etama, yogondak nir Yesus Kristus paga, Allah ninom kunik pano dambulik dogowok o. Nir nen ar Yesus oba ebebar andamo, Ar nen Allah iliti kunik erninaka mende erninabigin o. Nir yogondak ya ninakba karige eti paga agorik o. Nir nen Allah adeknggen nggok erogo wokneragin ma, niniliti adeknggen ar dogowok o!

Ar Allah nen o mirogo birige paga, nir nen erurak ndak dek mende, Kristus nen nir ninake wartagage o. Nir ninebe Allah ninom ndorek ninagik ekige o.

Yogondak, Ar Kristus nir ninake wartagage eti paga, nir Ar Allah ninom dambuloga binaninggige o; nenaluk Ar Allah anini ekanem, Ar Yesus paga ninebe ndilogo binanigin o.

Ap ambi nen wene yugu mutok erukdek ekige paga, akuni obogar maduk inoba tedek yirige o. Eta ndak-ndak, akuni ambi nen Ar Allah apma tebe yiluk ekige paga, akuni obok Ar Allah inom pano aru tuan yarogo birige o.

Nen wene unggune kwak eti, Ar Allah obabur pano nen ekige eti, Ar Tuhan Yesus Kristus paga kenam agagerek ma, ninakla adeknggen ar dogowok o. Nenaluk Ar Kristus paga nen, nir yogondak ya, Ar Allah ninom kunik pano werek o.