Popular Bible Verses from ROMA 15

Share

Ar Allah eti kir kiniliti oba mbektek dogu werek arar o. Kir kiniliti ebebar andarugup eti paga, kir kiniliti paga etoma adeknggen erkinaka, no dek erkinaka dogogin o. Ar Roh Allah obarne erkinaka paga, kir nen Allah oba kinakla nggok togon mbektek dogogun o.

Wene Alkitab akla mbalek werek mende etoma, nir emer ninaburak ake werek o. Nenaluk Alkitab akla nen wene emerek emerneraga paga, nir niniliti ago wartaga, obarne aga erigin paga, nir nen Allah oba ninakla mbektek mondok dogogun o.

Wene etama, Ar Allah nen akuni inakla mbektek dogorak mende inom nen iniliti yinggin yonggon etaru mende inom wokeraga paga, kir kinebe pano mondok Ar Kristus Yesus obabur mutok eku dogoni o. Kir kiniliti ambi ar dambulik dogolir, Ar Allah, Ninombae Yesus Kristus eti endaga mban woguk dugwi, eku dogoni o.

Etama, nawor nakbur Kristus nen wokinakige kwak, kir nen kiniliti adeknggen paga ar, Ar Allah wogok dugu dogorak yiluk, kar ambi nen ar ambi waganggik eku dogoni o.

Nen nir nen ninogariyak amberak ir pano dogolir, iniliti ebebar andagwi eti kode aruwak nen yiluk, iniliti aganggen erinabir lagu dogorak o.