Popular Bible Verses from ROMA 14

Share

Nenaluk, Ar Allah nen akuni ambi ilitimo yabu eka kigik etoma, ar nen erom nena nau inom, nen i nena nau inom, awene paga eti ebegirak mende dek o. Wene ebegirak mende kwak eti, akuni eti nen Ar Allah iliti mirik mutok erir laurak inom, nen Ar Roh Allah nen adeknggen mende wogorigin eti wokbatalok, ar ebe iliti kodeyak mondok dogorak o. Ir akuni Ar Kristus eterogon eyabu ekwi mende eti, ir nen Ar Allah adeknggen erogo bugwi, nen ir akuni amberak nen ir inalon palinakwi o.

Nir niniluk welagwi kalok, nir nen Ar Tuhan ake niniluk dogorak o. Nen nir kambugun kalok, nir nen Ar Tuhan ake paga ar kamburak o. Nir niniluk kalok inom, nen nir kamburak kalok inom, etoma Ar Allah ake mban arar o.

Nenaluk eti paga, nir ninebe pano dambulik dogorak mende eti ake paga mban, eku doguwok o.

Etama, nir nen kar yegedek, an endegedek yurak dek o. Nen, kir nen maduk negen ambi kalok, kinogarak kiniliti ebebar andaga mende eti, ebe maduk ande paga ari laganem yiluk, panorogo moroku dogorak o.

Alkitab mbalek paga den yega dogolir, “Ebebar o,” Tuhan nen ane yega dogolir, “akuni inadik ndak nen nuk agan, An napma inendop yungguli warugun o. Nen akuni inadik ndak nen, An eti Ar Allah arar o yiluk, yugu dogogun o.” Nir ninadik ndak eku lagagu mende ake paga, Ar Allah uwagam ari lamo, ninendokma waganigin o.

Ap ambi ar waganggige mende ebebar dirogo eberogo waganggikdek kalok, kir nen pik pak ar wogonaku dogoni o. Ar iliti obabur werek mende paga, wene oba agarak kunugup o.

Kar kebe ta nen, ap ambi ayedoman mende inawene mbalir lektagan o? Ir inawene mbalurak mende winagik menagik ekwi dalok, eti ir inombae werek ar o. Ar Tuhan nen yedoman eti mendok togo menogo bumo, ar ebe mendek pano ar dogogin o.